Briefwisseling. Deel 1: 1608-1634

370. J. Boreel⁵⁾. (H.A.)

J'ay recogneu vostre fidelle et agreable main en la lettre de Monseigneur le Prince du 23^e Aougst, laquelle m'a esté rendue le 30^e du dict mois apres diner. Je vous prie me continuer part en vostre amitié et aux occurrences asseurer mon dit Seigneur de mon service, buttant finallement au bien et repos de nostre patrie et heureux gouvernement de Son Exc.^e. A telle fin tendent mes ambitions qu'aucuns disent estre particulieres; encor que, si ambitieux estions, avons raison de preference avant plusieurs aultres, qui onques ne se meslerent de la Republique que des l'an 1600, mais depuis ont debouté grand partie de ceux qui sont vraiement patrices, c'est a dire auteurs de la liberté et leurs enfans, qui, des l'an 1572, soubs la conduite des Princes d'Orenge hazarderent leurs biens et vies. Vous estes, Monsieur, de ce reng; il vous importe aussi que tels services ne soient mis en oubli, mais que les advantages de l'estat soient departis avec quelque proportion et non entierement en mains des novices. Je vous baise bien humblement les mains, recommande que ces incloses soient adressees selon les incriptions, et prie Dien, Monsieur, vous avoir en sa sainte garde. 3 7b (Sept.) 1627, Midlebourg.

5) Uitgegeven in de Archives de la Maison d'Orange-Nassau, 2^e série, III, blz. 21.