|
| |
| |
| |
[Hier naer volgen d'antijcke tafereelen]
Hier naer volgen d'antijcke tafereelen
Die een Prince in zijn paleys behoort te hangen,
En die hy voor precieuse juweelen
In grooter weyrden behoort t'ontfanghen:
Want zij leeren hier gaen die rechte gangen.
| |
| |
| |
[Doen de Philosooph Bias door d'oude daghen]
Doen de Philosooph Bias door d'oude daghen
Sieck was, quamen die Pryeneans neuen
Hem, en baden hem dat hy naer zyn behaghen
Haer eenighe goede wetten soude gheuen,
Door die welcke zij eenen Prince verheuen
Van doen voort-aen moghen kiesen = souwen.
Waer door Bias hun dees Wetten heeft gheschreuen,
Om dat Zy haer Rijcke niet verliesen = souwen.
WY ordineren in dese Prouince,
Als die Pryeneans sullen vergaren
Ondat te kiesen eenen Gouverneur oft Prince,
Dat hy ten minsten out zij veertich jaren.
Want Princen die ionck zijn, en onvervaren,
Failleren in haer saken dicwils grootelijck.
Te grooten ouderdom can hun oock beswaren:
Daerom es de middel mate nootelijck.
Wy ordineren scherpelijck en beuelen,
Dat niemant ghecosen en zy voor Gouuerneur
Vande ghemeynte, noch oock vanden elen,
T'en zy dat die lantsaten hem houwen veur
Een ongheveyst, oprecht, goet amateur
Vande Republijcke; daer vele aen dependeert.
Want die voor recht wilt ghebruycken rigeur,
Die en werdt niet wel gheobedieert.
| |
| |
Wy commanderen datter niemant = oock
Voor Gouverneur en sal worden ghecoren,
T'en zy dat hy hebbe rijp en goet verstant = oock,
En inde Griecsche tale gheleert zy al voren.
Want soo veel volcx en gaeter niet verloren
Alsser een afgrijsselijcke peste in t'lant = es,
Alst doet daer d'ondersaten hebben ghesworen
Een Prince die tyrannich en ignorant = es.
Wy ordineren noch wel expresselijcke,
Datmen gheen Prince en kiese teghen onsen danck,
T'en zy dat hy voor die Republijcke
Den crijgh ghevolght heeft ten minsten thien iaer lanck.
Want hy alleene can hier vrij en franck
Wel onderhouwen den ghewenschten peys,
Die door experientie en bedwanck
Meer in t'velt gheleghen heeft, dan in zijn paleys.
Wy bevelen oock in ons Signorije,
Datmen Gouverneur en aenveyrde noch Heere,
Die befaemt gheweest es van tyrannije.
Want t'es onmoghelijck, dat een die zeere
Die wreetheyt bemint heeft, hem soo bekeere,
Dat hy die deucht sou weder aencleuen.
Want die gheuseert es in dees boose leere,
Die sal een tyrant blijuen al zijn leuen
| |
| |
Wij ghebieden en wij ordineren,
Als ons Prince drij oude Loyen sal breken,
Datmen hem niet alleen sal destitueren;
Maer men sal hem als meyneedich versteken.
Wanter gheen fake en es (in manier' van spreken)
Die t'peupel meer bederft, en t'lant doet ruymen,
Dan nieuwe wetten te maken, en met loose treken
Te corrumperen goede oude coustuymen.
Wij beuelen noch datmen den tribuyt
Den Prince ghewillich sal betalen.
Maer en bringhen die beden niet soo vele uyt
Als hij en verdoet met zijne vassalen,
Soo salmen hem verjaghen sonder dralen.
Want een Prince die luttel heeft, en veel verteirt,
Sal een tyrant worden sonder falen:
Maer een goet Prince hem naer zijnen staet gheneirt.
Van ons werdt novh scherpelijck gheboden,
Dat die Prince een lief-hebber wesen moet
Van d'almachtighe onsterflijcke Goden.
Want als een Prince soo boos es en onvroet,
Dat hy de Goden gheen eere aen en doet,
Maer in alle boosheyt volherdich = es;
Soo en es hij gheen beschermer van t'ghemeyn goet,
Maer wel een Rechter die onrechtverdich = es
| |
| |
Wij willen dat die Prince sal te vreden zijn
(Sonder te bedrucken ander lantsaten)
Met zijn Coninckrijcke, dorpen, en steden = fijn,
Die zijn ouders hem hebben achter ghelaten;
En sonder dat hy tot zijnder cleynder baten
Teghen ander Princen sal orloghe vueren.
Want t'es een eere voor die Potentaten,
Dat zy in vrede leuen met haer ghebueren.
En eest dat een Prince dees wet contrarieert,
En niet en onderhoudt dit ghebodt ghepresen,
Soo en sal hy niet worden gheobedieert:
Noch t'peupel en sal niet ghehouwen wesen
Hem te hulpen, met ghelt, oft volck tot desen.
Want den Godt Apollo heeft my gheseyt,
Dat die eens anders vruchten wilt lesen,
Zijn eyghen goet verliest, en prosperiteyt.
Wy beuelen en ordineren finalijck,
Dat den Prince, Gouuerneur oft President,
Ten minsten tweemael de weke cordialiick
Aenbidde die Goden omnipotent:
Oft hy en sal niet alleen van zijn gouvernement
Ghestelt worden, door zijn misuysen groot;
Maer men sal hem gheen sepulture excellent
Moghen bouwen, naer zijn catijuighe doot.
FINIS.
|
|
Auteursrechtvrij