Proza-bewerkingen van het leven van Alexander den Groote in het Middelnederlandsch
(1898)–S.S. Hoogstra–
Auteursrecht onbekendBijlage IV.Hs. Oi. (C.)
Wy lesen in der historiën van den Brackmannen die waren als philosophen in der woestinen tot welken dattie grote conninck Alexander boeden seynde(n) ende ontboet oen, dat sie van hem bidden solden soe wat sie begeerden. Ende sie screven wederom seggende: ‘Heer conninck, geeft ons onsterflicheit, welke wy alre meeste begeren.’ Doe screef hie wederom ende seide: ‘Ick, die selve sterflick byn, hoe mach ick u dan onsterflicheit geven?’ Ende sie screven hem weder: ‘Als du dy wetes sterflick te wesen, waerom loepestu dan om, alsoe veel quaets doende?’ Item men leest in Alexanders yesten, dat hem was geseynt eenrehande pretiose steen, die welke als hie in een wagescale was geleyt, dan woech hi meer in den eenen deel dan enich dinck, dat men leggen mochte in tander deel. Mer als pulver ofte eerde was geleit op den steen, dan woech die steen myn dan enich dinck, dat men in dat ander deel der scalen mochte leggen. Mer als veel wyser lude seer hieraf verwonderden, doe seide een tot conninck Alexander: ‘Heer, dese steen bewijst u, wat gyGa naar margenoot+ sijt. Want nu wechdy meer dan alle die werlt, die (die) u niet liden mach, mer als eerde op u geworpen is in der doet, dan suldy myn wesen dan enich dinck der werlt.’ In dier tijt doe Alexander gestorven was ende lach in eenre gulden tomben, doe quamen veel philosophen ende omstonden haer. Doe seide een van hem: ‘Gysteren en was Alexandero alle die werlt niet genoech, mer nu is hem alleen genoech dese tombe.’ Die ander meyster seyde: ‘Gysteren geboet hi den volck, nu gebiet hem een ander.’ Die derde seide: ‘Gysteren leide hie een groet heer, mer huden woert hie van hem geleit ende wordt gegeven der begravinge.’ Die vierde seide: ‘Gysteren mochte hie wael veel volcks verloest hebben van der doet, mer huden en mochte hie selve des doets gescutte niet ontvlien.’ Die vifte seide: ‘Gysteren bedruckte(n) hie die eerde, mer nu wort hie selve van haer bedruckt.’ | |
[pagina 178]
| |
Die seste seste (l. seyde): ‘Gysteren ontsach hem tvolck, die hem nu snoede achten.’ Die seste (l. sevende) seyde: ‘Gysteren had hie vriende ende viande, mer nu heft hie sie al gelijck.’ Aldus spraken XX philosophen, die daerom stonden om den alre(n) mechtigsten conninck Alexandero, dat te lanc weer te vertellen. Hier eindigt fol. 290c. Op fol. 290d staat alleen: Et sic est finis. Deo gratias. |
|