Oude Vlaemsche liederen

[p. 26]

Heden root, morghen doot.

Heden hoochverblijt,
morghen droeven tijt.
heden vrouden en salicheit,
morghen sie ic mer (maer) noot en leit leed.

Heden hemelblauw,
morghen aerdengrauw.
beden sonnenschijn harentaer (hierendaer),
morghen donker so waer ic vaer.

Heden lief en weert.
morghen niet begheert.
heden overal willecom!
morghen en siet nae mi niemen (niemand) om.

Heden rijc en groot,
morghen clein en bloot.
heden te paerde met stouten moed,
morghen ootmoedich ghewandelt te voet.

Heden jonc en bout,
morghen crane en cout.
beden lustich ten avontdans,
morghen leit op het graf den crans.