Oude Vlaemsche liederen


Het moet ghescheiden sijn. In ghenen groenen dale daer singhet die nachtegale, si (hy) singhet van minnenlust. rom rom bommet die trom. soete lief, vaer wel, vaer wel! Och hertenlieve joncfrouwe, mijn overschone kerssouwe, dat ic u laten moet! rom rom bommet die trom. soete lief, vaer wel, vaer wel! Och mochtic met u singhen, en met u reien en springhen tot aen den dagheraet! rom rom bommet die trom. soete lief, vaerwel, vaer wel!
[pagina 24]
Ic en sal u niemer ghemoeten (ontmoeten), ic en sal u niet wenken no groeten no langhen u de bant. rom rom bommet die trom. zoete lief, vaer wel, vaer wel! Nu moetic u minneken laten: wi wandelen 's heren straten, ons verbijf en is hier niet meer. rom rom bommet die trom. soete lief, vaer wel, vaer wel!