Horae Belgicae

CCIV.
¶ Een nyeu liedeken van Borbon.

O God van hemelrijcke
Wat druc is ons gheschiet
die Borgoensche alle gelijcke
God behoede Borbon voort verdriet
Twas so vromen capeteyn
dien hebben wi verloren
Den eedelen heere reyn
Menich slach heb ick ghesleghen
Te peerde ende oock te voet
Groote victorie heb ick ghecreghen
Ter eeren den keyser soet
Menich leet heb ick den coninc gedaen
daer hi quam al voor pauien
daer en mocht hi mi niet ontgaen
Melanen hebbe ick in ghenomen
met menighen crijschman vry

[p. 316]

 

die Paus hadde dat vernomen

 

die sandt hem groot volck by

 

Si meenden mi wel af te slaen.

 

die Veneetsianen quamen mede

 

Mer ten was haer niet wel vergaen

4.

Heel ytalien heb ick bedwonghen

 

Ter eeren den keyser fier

 

Roomen heb ick bespronghen

 

daer ben ick ghecomen int dangier

 

Het ghebuerde al inden tweesten slach

 

daer ben ick deerlijcken doorschooten

 

daert so menich man ansach

5.

Och adieu Kaerle lieue neue

 

Het moet nv ghescheyden zijn

 

Nv moet ick v begheuen

 

Want het scheyden doet mi pijn

 

Jc waende met v te winnen dat heylich lant

 

Nv moet ic ommer steruen

 

God blijue nv dijn onderstant

6.

Adieu ghi edel heeren bouwe

 

Adieu graef Joris van sassen goet

 

Weest toch den Keyser ghetrouwe

 

dat bidde ick vry edel bloet

 

adieu vice roy de napels vry

 

Nv moet ick van v scheyden

 

Gods barmherticheyt staet mi by

7.

Die heeren weenden seere

 

si hadden groot verdriet

 

Al om borbon den heere

 

dat hi so droeflijck schiet

 

die knechten maecten groot misbaer

 

Si en wisten wat bedrijuen

 

deen vranck sijn handen dander trac zijn hayr

8.

Ons troost hebben wi verloren

 

Ende oock ons toeuerlaet

 

Jck bidde Jhesum wtuercoren

 

dat hi zijn siele ontfaet

[p. 317]

 

Ghetrouwen dienst heeft hi ghedaen

 

God sal een ander verwecken

 

die den keyser nv sal bi staen

9.

Wi moghen wel bedrijuen rouwe

 

Om Borbon den capeteyn goet

 

Ende voor Wassenaer ghetrouwe

 

Hi heeft oock ghestort zijn bloet

 

Ter eeren den Keyser dat is waer

 

Men mocht gheen getrouwer vinden

 

dan dese twee int openbaer