Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CLXXXIV. ¶ Een nyeu liedeken van die Coninghinne van Enghelant 1.[regelnummer] EEn, liet met droeuicheden Sal ick v doen ghewach Hoe ter werelt is ouerleden Wilt horen dit beclach Die Coninghinne ghepresen Van Enghelant voorwaer God wil haer ghedachtich wesen Die ons heest al ghenesen Ter werelt van sonden swaer 2.[regelnummer] Hoe mocht een stenen herte gedoghen dat den coninc daer dede aenschijn Thien mijlen wt sinen ooghen Moeste si altoos van hem sijn Ende den coninck ghinck boeleren Met een ander dit wel onthout Al door sijn lant passeren Ende daer bouen wilt dit gronderen Heeft hijse teenen wijue ghetrout 3.[regelnummer] Dit heeft si ter herten ghenomen Dat haer den coninc hadde ghedaen Si is in een bisschops hof ghecomen Ende was met siecten beuaen Daer heestse troost vercreghen Ende wert daer eerlijck onthaelt Den rouwe is haer ter herten ghesleghen Si is te bedde gheleghen Ende heuet metter doot betaelt 4.[regelnummer] Het deerlijck ouerlijden Sal ick v doen ghewach [pagina 282] [p. 282] Men hoorde noyt tenighen tijden So deerlijcken beclach Den bisschop van coleten die wasser altoos ontrent Veel worden int secreten Heeft si hem laten weten Doen hi haer gaf dat heylighe sacrament. 5.[regelnummer] Och adieu wilt v eerlijck draghen Mijn man mijn heere reyn Ghi sult mi noch beclaghen Dat duchtich van v certeyn God die willet v vergheuen dat ghi mi hebt ghedaen Wt uwen ooghen verdreuen Dat sal mi costen tleuen O ghi waert seer qualijck beraen 6.[regelnummer] Adieu Carolus mijn neue gepresen Adieu mijn vrienden ouer al God wil v ghedachtieh wesen Ende behoeden v voor misual Dese werelt moet ic laten Jn eenen soberen staet Op dat ic niet en worde verwaten O Jhesus coemt mi te baten Voor god den vader mijn aduocaet 7.[regelnummer] Adieu mijn neue rooms coninc ghecoren Domfernandus excellent Adieu vrou marie edel gheboren Van vlaenderen ende brabant regent Adieu coninghinne van vrancrijcke Doen ghi quaemt met state groot Al binnen Camerijcke Jck willich daer oock ghelijcke En claghen v mijnen noot 8.[regelnummer] Dit heeft de Coninghinne van engelant Jnt doot bed daer si lach Met dien heest sy haer ooghen geloken [pagina 283] [p. 283] in Januario den achsten dach Js si vander werelt ghescheeden Die Coninghinne van Enghelant God wil die siele gheleeden En haer zijn rijcke bereeden Jn die eewighe glorie playsant Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd