Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CLIII. ¶ Een oudt liedeken. 1.[regelnummer] TYrannich werc vol archs gedronghen mi en twifelt niet noeyt erger quaet dat ic oyt was van venus discipels ionghen Dat maect mijn herte al desperaet. Jck hebbe v verloren mijn toeuerlaet Jc en weet niet hoet gaet Alleen so blijue ic boelken inder noot Want trouwe is nv ter werelt doot 2.[regelnummer] Alle mijnen druck moet ic nv ontbinden Hoe wel mi tvermaen is leedt Gheenen troost en can ic aen v gheuinden Elders te soecken dat waer mi onghereedt Noyt scherper snede mijn herte doorsneet Och noeyt spere so wreet Si heeft mijn herte heel dooruloghen Ter eeren van v schoon lief so wil ict gedoogen [pagina 229] [p. 229] 3.[regelnummer] Gheen dinc ter werelt en dunct mi so fel dat mijn ioncherte also seere deert Als dat si met een ander bedrijft haer spel die mijn ionc herte also seer begeert Het is mijnder herten een snijdende sweert Och ic bens onweert dat ic die alderliefste moet wesen schou des sterue ic thien duysentich dooden nv 4.[regelnummer] Wee mi dat ic oeyt was gheboren Ter droeuer tijt ic die werelt aensach Dat ic moet deruen die ic heb wtuercoren dat is mijnder herten een swaer gelach Jc mach wel roepen o wy o wach Ende bedrijuen geclach Coemt doot haelt mi wten verdwijne Want langer te leuen is mijnder herten pijne 5.[regelnummer] Schoon lief als ic van deser werelt sal sceiden Ende ghi met eenen anderen doet v geuoech Segt doch eens god wil zyn siele geleyden Hebbe ic also vele tis mi genoech die noeyt dat pack van minnen en droech. Oft en trock die ploech der ialousien in swaer verdriet Jc rade v voor tbeste, sidyer niet en coemter niet. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd