Horae Belgicae


CXLV. ¶ Een oudt liedeken. 1.[regelnummer] SOuuereyn van Vlaenderen Laet sincken uwen moet Wilt v gheuanghen gheuen. Behouden lijf ende goet Voor Nyeupoort willen wi maken spel Nv swijghet verrader stille V meninghe verstae ic wel 2.[regelnummer] Soude ic mi gheuanghen gheuen Jc en ben noch niet veruaert Jc rijde hier lancx die mueren Jck sitte hier op mijn paert Jc gheue den ruyters goeden moet Jck drincke den wijn wt sehalen Ghelijck menich stout ruyter doet 3.[regelnummer] Herman die op der clocken sloech Hi sach int Fransche heyr Wel op ghi borgers van Nieupoort Stelt v nv vromelick ter weyr Want ons en gaet geen slapen aen Jck sie die Fransche knechten Blanck in haer harnas staen 4.[regelnummer] Si quamen daer aengedrongen Veel blancker dan een ijs Op eenen morgenstonde Si behaelden daer cleynen prijs Creuecoor met alle zijnder macht Nyeupoort hout v vast Ghi en sult niet ghewonnen zijn
[pagina 218]
5.[regelnummer] Die Zwitsers met haren cransen si lagen daer al versmoort. Si en hadden gheen herte om dansen Dies truerde creuecoor. Dat hi was comen sonder auijs Al voor dat stedeken van Nyeupoort Hi behaelde daer cleynen prijs 6.[regelnummer] Die dit liedeken dichte Dat was een ruyter goet Hi faelgeerde in zijn gesichte Dies truerde hi in sinen moet hy bidt maria die maghet soet Dat si dat soete Vlaenderlant. Wilt nemen in haer behoet.