Logo DBNL
Horae Belgicae (1968)

Horae Belgicae

(1968)–A.H. Hoffmann von Fallersleben–rechtenstatus Auteursrechtelijk beschermd

Vorige Volgende

CXXX.
¶ Een nyeu liedeken

1.
O Waerde mont. ghi maect ghesont
 
Mijns herten gront Tot alder stont
 
Als ick bi v mach wesen.
 
So ben ick al genesen
2.
Mer tscheyden quaet Van tsier gelaet
 
maect mi disperaet Ten baet gheenen raet
 
Wilt si mi nv begheuen
 
Van vruechden moet ic sneuen
3.
Haer schoon ghelu hayr. Haer oochskens claer
 
Brenghen mi in vaer Nv hier nv daer
 
dat icse soude verliesen
 
Oft si een ander soude kiesen
4.
Haer lippekens root Haer borstkens bloot
 
Al sonder ghenoot Maken mi vroecht groot
 
Als ic bi haer mach rusten
 
Boete ic mijns herten lusten
5.
Schoon lief doet wel Ende kiest niemant el.
 
Jn narst in spel Doet mijn beuel
 
Ende kout geloste in trouwen
 
Het en sal v niet berouwen

Vorige Volgende