Horae Belgicae


CXXIII. ¶ Van proper Janneken. 1.[regelnummer] OM een die liefste die ic beminne Moet ic daechs voor haer duere staen Si is so amoreus van sinne Het sal mi aen mijn leuen gaen. Si cost nryn herte so menigen traen Adieu schoon Janneken tot op een wederkeeren Adieu ic vare na troomsce lant 2.[regelnummer] Schoon soete lief waert v bequame Dat ghi mi gaeft een troostelijc woort Jc en soude certeyn geen ander boelken kiesen Al sout mi oock aen mijn leuen gaen Helpt mi maria minen druc verslaen Jck hebbe verloren mijn beste pant Adieu schoon Janneken tot op een wederkeeren Adieu ic vare na troomsche lant 3.[regelnummer] Dese nijders tongen gaen voor mijn ooghen Ende achter minen rugghe stroyen si quaet Si doen mijn ionghe iuecht verdrooghen Dat sal ooc aen mijn leuen gaen Het cost mijn herteken so menighen traen. Hier ende elders aen elcken cant Adieu schoon Janneken tot op een wederkeeren Adieu ic vare na troomsche lant 4.[regelnummer] Princersselijc lief hoe moechdi mi vergheten Ende ic was altijt so ghereet Ende dat ghi mi dus wilt versteken Dat valt mijn herteken al te wreet Mijn lijf mijn goet was voor v bereet Want ic noeyt schoonder lief en vant
[pagina 188]
Adieu schoon Janneken tot op een wederkeeren. Adieu ick vare na troomsche lant