Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


CXIII. ¶ Van mijn here van Mallegem 1.[regelnummer] MJin here van mallegem die quam gereden Buyten brugge daer staet een lindeken breyt Daer vant hi een herderken was cleyne Hi moeste vertollen, al wast hem leyt 2.[regelnummer] Och herderken ic soude v gaerne vraghen. mocht ic onbegrepen van v wesen Waen coemt v die lustelijcken horen Desghelijcx en hebbe ic niet ghesien 3.[regelnummer] O Here Mallegem rijdt wech uwer straten Want daer leyt v so luttel an Stake ick op mijnen horen mijn lammerkens souden werden gram 4.[regelnummer] Dat herderken dede dat hem die heren baden Hi sette den horen aen sinen mont Die lammerkens quamen daer wt gesprongen Ghelijc die hase loopt voor den hont 5.[regelnummer] Och heere van Mallegem zijt willecom. Willecoom so moet ghi zijn Ons gelach moet ghi betalen Wi drincken so gaerne den coelen wijn 6.[regelnummer] Myn heere van Mallegem ginc in zyn buydel Hi langde daer die penninghen waren root. Hout daer lieue ghesellen dats v gelach te baten Want v geselschap is mi te groot 7.[regelnummer] Si namen alle zijn ridders ghesmeyt Ende alle zijn sware goet
[pagina 172]
Si licten hem weder te Mallegem rijden dat deden si om zijn edel bloet 8.[regelnummer] Och wie wil hooren van lammerkens Wi sullen den sanck verkeeren moeten Vercken hebben so wilden swijnen Si hebben handen ende si gaen op voeten 9.[regelnummer] Die menige souse al te noode ghemoeten Haer borstelkens dat zijn yseren Jn haghen in bosschen si wroeten Al onder groene rijseren 10.[regelnummer] Dan brenctmense daer ter merct gedreuen. Seer verstoort ende so schou Gheen vleysshouwer en wilse coopen Om dat haer borstelkens zijn rou 11.[regelnummer] Dan gaetmense daer besiden drijuen Besiden aen haer ghesellekens dans Twaer mi leedt dat icker af songhe Want voorwaer si zijn ongans

Vorige Volgende