Horae Belgicae


CXII. ¶ Een amoreus liedeken 1.[regelnummer] MJin hertelic lief wel schoon ioncfrouwe ghi zijt certeyn myn lief alleyn moet ic v deruen so lijde ic rouwe Ghi zijt mijn lief mijns herten greyn. 2.[regelnummer] Als ic dan peynse om dijn figuere Reyn bloeme yent, seer excellent Door amoreusheyt schoon creatuere mijn herteken laet ick bi v ontrent 3.[regelnummer] Ghi zijt die liefste, ghi sultse blijuen Spijt diet benijt, het moet ymmers zijn Het is mi solaes bi v te wesen Als liefde met liefde geloont mach zijn 4.[regelnummer] Ghi zijt die liefste int herte gepresen Bouen siluer, gout, oft peerlen fijn Jck hope ick sal noch bi v slapen Oft craey en sal gheen voghel zijn 5.[regelnummer] Vrou venus pacxken heb ic gheladen Jc ben die ghene diet draghen moet Al in mijn herteken ligdy begrauen Ghi zijt die ghene diet mi doet 6.[regelnummer] Reyn lieflijck beelde v minlijck wesen Verdrijft den rouwe van dat herte mijn Als ick mach comen al sonder vreesen Ghi zijt mijn troost myn medecijn 7.[regelnummer] Jc hebt gheleert, ick salt onthouwen Hebbe ict anders wel verstaen
[pagina 171]
Dat heete liefde wel mach vercouwen Mer reyne liefde en mach niet vergaen 8.[regelnummer] Adieu schriue ick met droeuen sinne Lief peynst om mi als ick om dy. Met quade tonghen draecht reyne minne mijn herteken laet ick v altoos bi.