Horae Belgicae


XC. ¶ Een oudt liedeken. 1.[regelnummer] JCk hebbe ghedraghen wel leuen iaer Een pacxken van minnen tvalt mi te swaer Jck hen bedroghen. Jc waende den wilden valc hebben geuangen Hi is mi ontuloghen. 2.[regelnummer] Joncheer wildi daer loon af hebben So coemt noch tauent tot mijnen bedde. Sijt seker dies. Mijn man die is van huys ghereden Tis zijn verlies. 3.[regelnummer] Joncfrouwe ghi hebt so fellen honden. Oft si mi beten diepe wonden Waer v dat lief. Op v mans bedde en come ic niet Wat mijns geschiet 4.[regelnummer] Joncheere mijn honden sal ic doen binden Aen gheen groen heyde daer staet een linde Jn eenen boomgaert Daer sullen wi twee genoeehlijck wesen Stout onueruaert. 5.[regelnummer] Jn gheenen boomgaert dat hi quam Jn sinen armen dat hijse nam Si riep aymi Dat ic v oeyt so lief gecrege. Seer rouwet dat mi.
[pagina 136]
6.[regelnummer] Joncfrouken en roept niet so seere Ghi sult een goede vrouwe wederom keeren Tot uwen man Ende segt dat ghi waert roosen lesen Jnt soete dal 7.[regelnummer] Rooskens te lesen is bi manieren Jn ghenen velden so menighertieren Des seker zijt Al soude mijn man zijn ooghen wt crijten Hi is mijns quijt.