Horae Belgicae



[pagina 67]
XLVI. ¶ Een nyeu liedeken. 1.[regelnummer] FOrtuyne wilt v keeren En valt mi niet so suer Ende ick blijue al int verseeren Jn lijden swaer doleur Mijns liefs regeur Dat valt mi nv so snel Verdraghen moet ick leeren Door dese nijders opstel 2.[regelnummer] Rijck god wie sal ick claghen Meer dan die liefste mijn Nv ende tot allen daghen Sal ick v ghetrouwe zijn Stout ende fijn Spijt die nijders ouer al Sal ic v goede ionste dragen. Tot dat ick steruen sal 3.[regelnummer] Wanneer ic op haer dincke So verandert alle mijn bloet Jck soude gaerne schincken Mijn lijf ende alle mijn goet Jn v behoet. Wilt danckelijc ontfaen Laet in v herte dencken Jck en sal v niet ontgaen 4.[regelnummer] Adieu schoon roose bloeme Scheyden dat moet nv zijn Tot dat ick weder come Die alder liefste mijn Tot dat ick weder keere. Adieu lief gracieus Adieu mijn lief mijn eere Die waertste coragieus 5.[regelnummer] Schoon lief zijt mi getrouwe. Jck en gheere anders nyet
[pagina 68]
Troost mi of ick verflouwe Als ghi mi in lijden siet Hoort na mijn bediet. Als ic v niet spreken en mach Doet dat ick v aenschouwe Tot op een ander dach