Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende XXXIII. ¶ Een amoreus liedeken 1.[regelnummer] DJn eygen certeyn reyn vroulic saet Blijf ic, ghi zijt die gene daer al aen staet Hert, sin, moet v aencleuen Ghi hebt int herte den hoochsten graet Ghi zijt die fonteyne diet al af dwaet Ghepeyns mijn suchten ende beuen Ghi zijt bouen alle bloemkens soet Bouen roosen root Dus blijue ick dijn eyghen tot in mijn doot [pagina 48] [p. 48] 2.[regelnummer] Medea Jason noyt so seer en versinde Paris Helenam noyt so seer en beminde Bouen alle sidy ghepresen Jc moet verdwijnen als stof voor den winde Jst dat ic gheen troost aen v en vinde Reyn bloeme wtghelesen Noyt Venus geschut mi so seer doorscoot Jck segt v bloot. dus blijue ic dijn eyghen tot in mijn doot 3.[regelnummer] Naest v in swerelts begrijpen gheen die therte beswaert dan ghi alleen Schoon vrolijcke figuere. en weest doch niet ghelijck den steen Mer helpt mi lief wt droefheyts ween Mijn herte wt allen getruere So mach ic leuen in vruechden groot Sonder wederstoot Dus blijue ic dijn eyghen tot in mijn doot 4.[regelnummer] Al hebbe ick geheel o lieflijc bloet Mijn herte ghestelt in v behoet Laet mi gheen druck verwinnen V minlijc aensicht v woordekens soet Die brenghen mi inder minnen gloet Si doen mi dit beginnen Ghi zijt mijn voetsel ter wterster noot Bouen wijn ende broot Dus blijue ick dijn eyghen tot in mijn doot Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd