Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende IV. ¶ Een nyeu liedeken 1.[regelnummer] ALs alle die werelt in vruechden is So draghe ick int herte rouwe Jck bidde maria die moeder gods Jck bidde maria wel schoone ioncfrouwe Op v so staet mijn trouwen. V beueel ick beyde siele ende lijf Jck hoope ten sal mi niet berouwen Want ghi spant die croone int paradijs 2.[regelnummer] Blancke berghe wel duyster koye Waerom valdy mi so sel V duysterheyt maect mi confuys Dat mercke ick aen mi seluen wel Hier langhe te blijuen en is gheen spel Wi zijn al ghildekens gheldeloos Als wi in tsheeren handen zijn Wi en vinden gheen vrienden altoos 3.[regelnummer] This gheleden seuenthien weecken Tgheuiel op onser vrouwen dach Mijn heere die Baelyou wilde mi spreker Op een kerckhof dat ick lach Mijn ooghen en sagen noyt blijder dach. Jc waende wel thuyswaert hebben gegaen Si leyden mi daer op tsgrauen casteel Si deden mi daer int yser slaen 4.[regelnummer] Si leyden mi daer op die pijn banck si deden mi aen die pijne was groot si wouden weten wat ic haer seyde Alsmen mi die cottde borne in goot [pagina 7] [p. 7] Och wouter van Cleuen, ghi neemt mi tleuen Nochtans en heb ick niet misdaen die goede heere god wilt v vergheuen dat ghi mijn hooft doet af slaen 5.[regelnummer] Al bi den sauel daer ic op kniele Daer ick sal storten mijn roode bloet Jck woude ick waer bi minen lieue Nochtans heeft si eenen huebschen moet Haer biwesen is so soet Hier ende elders ende ouer al Jck biddende maria die moeder gods Jc duchte dat swaerdekin snijden sal 6.[regelnummer] Nv stelt dat mesken op zijn snede Ende latet vromelijck innewaert gaen Jc bidde maria die suyuer beelde Dat si mijn siele wilt ontfaen Nochtans en heb ick haer niet misdaen Anders dan ick haer mijn herteken boot Dat ic om een schoon vrouwe moet steruen Ten quam noyt ruyter in meerder noot Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd