Horae Belgicae

[p. 1]

¶ Totten vrolijcken Sanger saluyt.

GHi sult weten, dat in dit boecxken vergadert zijn tot uwen solase, veelderhande amoreuse liedekens, oude ende nieuwe, ende sommighe nieuwe die noeyt in printen zijn geweest Ende op dat ghi lichtelic vinden soudt tgene dat ghi begeert te singen so zijn dese liedekens gestelt, na dordinancie van den. A B C So dat alle die liedekens dye met een A beginnen, staen voren, die met een B beginnen daer na, die met een C beginnen daer naer. Ende also voort veruolgende. Vaert wel.

[p. 2]

I.
¶ Een amoreus liedeken

ALs alle die cruydekens spruyten,
Ende alle dinc verfrayt
Jck wil mi gaen vermuyten
Jck ben mijns liefs te buyten
Het compas gaet al verdrayt.
Tis recht schoon lief ic bens ontpaeyt.
Hebdy v boel verloren
Wat schaden hebdy daer van
Jck seyt v van te voren
Een ander had ic vercoren
daer leyt v seer luttel an
Al kiest ghi een ander man
Wat schaedt den rijm der roosen
Ghi veleyn door uwen hals
Ghi waert die eerste glose
die mi brochte in nose
dus leere ic nv van als
vlaems, spaens duyts ende wals
God groete v schoon kersowe
Ghi snijt mijn herte ontwee
Ghi zijt die liefste vrouwe
Aen v staet mijn betrouwen
Jnt lant en ouer de zee
En leuen nv geen lieuer twee
V lof, v danck, v waerde
Neme ick nv een verdrach
Jc weet een ander op aerde
Een edel man te paerde
een rijckaert diet wel vermach
die vrijt mi nacht ende dach
Vrijt v een man teenen boele
Een ruyter oft een baroen
Wacht v dat hi niet en coele
Want ghettoelde hi dat ick gheuoele

[p. 3]

 

Hi en sou niet gaen aendoen

 

Een anders mans oude scoen.

7.

Adieu wel vuyl clergersse

 

Tis meer dan scheydens tijt

 

Al ist dat ick nv messe

 

Jck leerde v die eerste lesse

 

Trouwen ick kent ick lijdt

 

Bouen alle die werelt wijt