¶ Nr. 105.
Dit is die wise van den werliken mei.
1.[regelnummer]
Die lieve coele mei die is ons ontdaen,
ic sie dat cruce so hoghe staen.
2.[regelnummer]
Daer aen so hanghet een jonghelinc,
daer onder staet die lieve moeder sijn,
3.[regelnummer]
Vijf rosen staen daer aen den mei
ende ander bloemkens menigherlei.
4.[regelnummer]
O edele siele, merket vromelic aen,
hoe soetelic singhet die wilde nachtegael!
5.[regelnummer]
Als aen den cruce daer hi aen stont,
uut liefden was sijn herte ghewont:
6.[regelnummer]
Ende heeft daer iemant hongher of dorst,
die come ende drink uut Jesus borst,
7.[regelnummer]
Mijn hertenbloet wil ic hem schenken:
o mensche, wilt op minen doot ghedenken!
8.[regelnummer]
Ende latens u niet uut uwen herten gaen!
o edele siele, omme u ist al ghedaen. -
9.[regelnummer]
O god here, wanneer, wanneer? -
wanneer die soete god wil ende niet eer.
B. 86. - Hs. 1, 1. ondaen - 2, 2. steit - 3, 1. Wyf - 4, 1. vromelicke - 4, 2. suetelicke - 8, 1. wtten uwen - 9, 1. 2. nur Einmal wanneer.
Auteursrechtelijk beschermd