Logo DBNL
Horae Belgicae (1968)

Horae Belgicae

(1968)–A.H. Hoffmann von Fallersleben–rechtenstatus Auteursrechtelijk beschermd

Vorige Volgende

¶ Nr. 103.

1.
Die door godes willen
 
des morghens wil meien gaen,
 
sine siele wort hem ghespiset
 
door des heilighen gheestes raet.
 
 
2.
Op des cruces aste
 
daer bloeijet die rode wijn:
 
men schenket den lieven gasten,
 
si moeten luter sijn.
 
 
3.
Die meie dien ic meine
 
dat is die soete god.
 
hi ghinc al op eertrike,
 
hi leet daer menighen spot.
 
 
4.
Die meien wil die meie,
 
die gae aen Cristus hant!
 
hi hinc daer aen den cruce,
 
daer hem die minne toe dwanc.
 
 
5.
Sie wi aen dat cruce!
 
hi hinc daer naket ende bloot,
 
mit bloede al over beronnen,
 
dat hi door ons uutgoot.
 
 
6.
Sie wi aen sijn voeten!
 
si sijn mit naghelen doorwont:
 
aen alle sinen live
 
daer en was ooc niet ghesonts.
7.
Sie wi aen sijn armen!
 
si sijn wide opghedaen:
 
hi wil ons arme sondaren
 
tot sijnre ghenaden ontfaen.
 
 
8.
Sie wi aen sijn hande!
 
si sijn mit naghelen doorslaghen:
 
wi sullen Cristus liden
 
in onsen herten draghen.
 
 
9.
Sie wi aen sijn hovet!
 
dat is mit doornen doorwont:
 
die god van herten minnet,
 
sine siele wort hem ghesont.
 
 
10.
Sie wi aen sijn side!
 
sijn herte is wide opghedaen:
 
daer sullen die edele sielen
 
des morghens in vermeien gaen.
 
 
11.
Die meien wil die meie,
 
die neme des meies waer!
 
hi hinc in volre brusen,
 
die ons die maghet ghebaer.
 
 
12.
Die joncfrouwen daer ter tafelen gaen,
 
die enghelen schone singhen.
 
Maria is keiserinne,
 
Jesus sal schenker sijn.
 
 
13.
Daer schenket men den vader,
 
den soon, den heilighen gheest
 
in godeliker minnen
 
mit vrouden alremeest.
 
 
14.
Op des cruces aste
 
daer bloeijet die rode wijn.
 
men schenket den lieven gasten,
 
si moeten luter sijn.

B. 28. - Str. 2 sind die beiden letzten Zeilen also wiederholt: men schencket den lieuen gasten sy moeten vrolic syn (so auch Str. 14.) - 9, 2. doerwondet - 11, 4. gebaerden.

Ursprünglich wol deutsch, vgl. meine Geschichte des deutschen Kirchenliedes Nr. 50 und 51., weshalb denn auch wol 12, 8. Maria ist keiserinne heißen soll: Maria ist kellerinne.


Vorige Volgende

Over dit hoofdstuk/artikel

lied