¶ Nr. 88.
1.[regelnummer]
Begheerte, nu vlieghet ten hemel op,
groet mi mijn lief ende secht hem lof!
deus omnipotens misericordie.
2.[regelnummer]
Secht hem, dat ic van minne quel,
het gaet mit mi al uten spel.
3.[regelnummer]
Sijn minne staet vast in minen sin,
en wils niet meer, mi en doochs niet min.
4.[regelnummer]
Nimmermeer en worde ic ghesont,
sijn hoghe minne si mi cont.
5.[regelnummer]
Hi heeft mi in minen gront gheraect,
sijn stralen sijn weder ghehaect.
6.[regelnummer]
Hi is een soete honichvloet,
die droghen herten groeijen doet.
7.[regelnummer]
Hi mach wel draghen goeden moet
die mint dat ongheschapen goet.
8.[regelnummer]
O siele, wilt ghi nu meien gaen?
gaet daer seraphin gulden harpen slaen.
9.[regelnummer]
Al daer is clanc ende overclanc,
daer is der soeter minnen sanc.
A. 21. - Hs. 3, 1. steet - 4, 1. werde - 6, 2. groyen -
Auteursrechtelijk beschermd