¶ Nr. 77.
Conditor alme siderum.
1.[regelnummer]
Jesus is nu een kindekijn clein,
hem minnen alle herten rein.
laet u die werelt niet bedrieghen:
gheloofdi haer, si sal u lieghen.
2.[regelnummer]
Jesus een kindekijn is seer schoon,
in reinen herten hi maect sijn troon.
ghenoecht des werelts moet nu derven,
Jesus sijn minne die wil verwerven.
3.[regelnummer]
Doch Jesus hi is so oversoet,
waer om ic hem minne uut alle mijn moet.
cleinen arbeit mit groten ghewinne
vint men in Jesus soete minne.
4.[regelnummer]
Jesus is mijnre herten grein,
hem minnen wil ic ende anders ghein.
nu laet ons alle mit herten blide
Jesum loven in allen tide!
A. 17. - Hs. 3, 2. 4, 2. ic fehlt. - Schon Hor. belg. 2, 21.
Auteursrechtelijk beschermd