Horae Belgicae

¶ Nr. 73.

Dit is die wise:
Ic clam den boom al op,
die mi te hoghe was.

Hi truur die truren wil,
mijn truren is ghedaen.
ic heb ghesweghen stil,
Maria wilt verstaen!

Waer om so soudic truren
of sorghen al te seer?
ic weet ic bin vercoren
van Jesus minen heer.

Hi truur cet.

Dat ic hem bin vercoren,
heeft hi mi ghedaen aenschijn,
want ic moeste sijn verloren,
ten dede mi sijn doot ende pijn.

Hi truur cet.

Hi is hier neder ghecomen,
daer ic in bin verblijt.
mijn misdaet soude mi verdomen,
sijn doot heeft mi ghequijt.

Hi truur cet.

Dus wil ic mi verbliden
seer vromelic in hem
ende draghen tot allen tiden
sijn doot in minen sin.

Hi truur cet.

Des bin ic wel ontware,
dede mi sijn pijn ende doot,

[p. 155]

 

al bade ic dusent jare,

 

twaer al verloren goet.

 

Hi truur cet.

 

 

7.

Hier om wil ic hem minnen

 

die mi dus heeft verloost

 

ende mijn heer van binnen

 

houden voor alle mijn troost.

 

Hi truur cet.

B. 16. - Hs. 1, 2. heeft (is) - 3, 4. ten fehlt. In A. 27. nur 4 Strophen: 1. 2. 3. 5, am Schlusse der letzten: Etcet., und folgende Abweichungen: 2, 1. willic (soudic) - 2, 4. onsen (minen) - 5, 2. seer vroochdelic (vromelic). Vgl. Hor. belg. 2, 30.