Horae Belgicae



[pagina 115]
¶ Nr. 49. Het schaecte een goet schackerkijn 1.[regelnummer] Och rijc here god, nu wacht op mi ende gheeft mijn hertjen rouwe! u minne die vestet vast in mi, dat ic u si ghetrouwe! 2.[regelnummer] Die werelt die toont mi bli ghelaet ende al dwase minne. ic volghese nae, al isset quaet: dat doen mijn sotte sinnen. 3.[regelnummer] Die werelt te dienen is al verlies, ic secht u wel te voren: si leit haer stricken menichfout, daer blijfter veel verloren. 4.[regelnummer] Jonc ende dom heb ic gheweest ende luttel doochde bedreven. dat maket druc int herte mijn, als ic aensie mijn leven. 5.[regelnummer] Dit heb ic al wel overdocht ende meen te wederkeren. mijn sinnen waren mi onbesocht, ic wil mi beteren leren. 6.[regelnummer] Natuur ende ooc des viants raet die spannen dic te samen. wacht u, o siel, voor sulken quaet! wi verderven al te samen. 7.[regelnummer] Ic bid, Maria, voert minen schilt, ic roepe tot u ghenaden: verbidt mi voor u lieve kint, so en mach mi niemant schaden! A. 55.