Horae Belgicae

[p. 47]

¶ Nr. 19.

O suver maecht van Israel,
wilt seer verbliden u
om der schoner bootschap
die ic u brenghe nu.

Benedicta tu in mulieribus,

valasus valasus!

ave plena gracia,

tecum dominus,

benedicta tu in mulieribus.

Al mitter bootschap schone,
die denghel heeft ghedaen,
hebdi van shemels trone
den heilighen gheest ontfaen.

Benedicta tu cet.

Als Joseph dat verstonde,
dat Maria was bevrucht,
hi peinsde in sinen ghemoede,
hem waer beter ghevlucht.

Benedicta tu cet.

Des hem die enghel schone
toesprac ende riet:
Joseph, Davids sone,
en wiltse begheven niet!

Benedicta tu cet.

Noch en ontsiet te nemen
die moeder gods Marien!
dat van haer wort gheboren
sal ons von sonden vrien.

Benedicta tu cet.

Maria ende Joseph mede
voeren beide tsamen
tot Bethlehem der stede,
daer si haer herberghe namen.

Benedicta tu cet.

[p. 48]

7.

In een arme huseken

 

al sonder wech of doren,

 

om dat si waren van haven bloot,

 

moest hem also gheboren.

 

Benedicta tu cet.

 

 

8.

Alst quani te rechter middernacht

 

so heeft die maecht ghebaert

 

een kindeken van groter macht,

 

als denghel ons verclaert.

 

Benedicta tu cet.

 

 

9.

Daer baerde die suverlike

 

den here ghebenedijt

 

van hemel ende aertrike:

 

lof si haer talre tijt!

 

Benedicta tu cet.

 

 

10.

Nu laet ons loven desen heer,

 

die ons ghenoemt Jesus.

 

stillen wi hem, hi weent so seer,

 

ende singhen hem aldus;

 

Te deum laudamus,

 

valasus valasus

 

swighet soete Jesus!

 

du bist ons dominus,

 

te deum laudamus.

A. 10. - Hs. 9, 4. tot alder tyt.