Horae Belgicae

[p. 43]

¶ Nr. 17.

Ons is gheboren nu ter tijt
Jesus Cristus ghebenedijt.
hi is god ende mensche, des seker sijt,
die ons van sonden heeft ghevrijt.

Dien bemel ende eerde niet const omvaen,
dien heeft een teder maghet saen
in haren waerden lichaem bevaen,
mit enen woort heeft sine ontfaen.

De maghet wert moeder ende baerde een kint,
haer maghedom gheheel bleef sint,
bevlect en wert si niet een twint,
maer si bleef maecht van gode ghemint.

Dat kint wies op ende wert een man,
den helschen draken dat hi verwan,
god ende mensche bleef hi nochtan,
daer alle salicheit licht an.

Voor ons heeft hi ghenoech ghedaen:
hi heeft van minnen den doot ontfaen,
hi heeft ons themelrike ondaen,
dat langhe ghesloten hadde ghestaen.

Nu desen kinde so bidden wi,
dat van der reinre maghet vri
gheboren woude worden, dat hi
ons armen sondaren ghenadich si.

De moeder wi bidden van desen kinde,
dat si in onsen hulpen sende
haer kint tot onsen lesten ende,
dat ons die viant niet en schende.

Maria so heet die maghet rene,
haer kint Jesus van Nasarene:
hem bidden wi, dat hi ons verlene
sijn gracie, so onse doocht is clene.

[p. 44]

9.

Lof, glorie, eer ende waerdicheit

 

so moet hem sijn in ewicheit,

 

want hi ons allen heeft bereit

 

den pat der ewigher salicheit.

A. 20. - B. 58. 2, 1, en conde bevaen - 2, 2. den hevet een t.m. ontfaen - 2, 3. bevaen (ontfaen) - 2, 4. si hem (sine, A si en) - 3, 2. haer maechdom bleef al ongheschent - 3, 3. bevlecket so en wart - 4, 3. daer alle onse salicheit leghet aen - 4, 4. daer ewighe salicheit leghet aen - 5, 3. dat hemelrike heeft hi opghedaen - 6, 1. nu fehlt - 7, 1. wi bidden der moeder - 7, 3. desen (onsen) - 8, 2. dat kint heit J. - 8, 4. want (so) - 9, 2. die moet (so moet) - 9, 4. den wech totter - Schon Hor. belg. 2, 15.