Horae Belgicae



[pagina 39]
¶ Nr. 14. 1.[regelnummer] Ons ghenaket die avontstar, die ons verlichtet also claer. wel was haer doe. susa ninna susa noe, Jesus minne sprac Marien toe. 2.[regelnummer] Dat huus dat hadde so menich gat, daer Cristus in gheboren was. wel was haer doe. susa ninna susa noe, Jesus minne sprac Marien toe. 3.[regelnummer] Si sette dat kint op haren schoot, si cussedet voor sijn mondekijn root, het was so soet. susa ninna susa noe, Jesus minne sprac Marien toe. 4.[regelnummer] Si sette dat kint op hare cnien, si sprac: groot eer moet u gheschien! wel was haer doe. susa ninna susa noe, Jesus minne sprac Marien toe. 5.[regelnummer] Si sette dat kint op haren aerm, mit groter vrouden sach sijt aen, het was so soet. susa ninna susa noe, Jesus minne sprac Marien toe. 6.[regelnummer] Die moeder makede den kinde een bat, hoe lieflic dattet daer inne sat! wel was haer doe. susa ninna susa noe, Jesus minne sprac Marien toe. 7.[regelnummer] Dat kindekijn pleterde mitter hant, dattet water uten becken spranc. wel was haer doe.
[pagina 40]
susa ninna susa noe. Jesus minne sprac Marien toe. 8.[regelnummer] Die os ende ooc dat eselkijn die aenbeden dat soete kindekijn. wel was haer doe. susa ninna susa noe, Jesus minne sprac Marien toe. B. 66. - Schon Hor. belg. 2, 21.