Horae Belgicae



[pagina 37]
¶ Nr. 12. 1.[regelnummer] Gheselleken, nu laet ons vrolic sijn ende laet ons roosken lesen! die enghel heeft ons die bootschap ghebracht: wie sal daer droevich moghen wesen? 2.[regelnummer] Och wonder boven alle wonder, mer dat wi hebben vernomen, hoe dat des edelen godes soon uten hemel is neder ghecomen. 3.[regelnummer] Dat heeft ghedaen een reine maghet, van gode wel seer ghepresen, god heeft si waerlic wel behaghet: wie sal daer droevich moghen wesen? 4.[regelnummer] God is gheboren ter middernacht van eenre maghet ghepresen. Marien ootmoet heeft hi bedacht: dus wilt ootmoedich wesen! 5.[regelnummer] In Bethlehem is hi gheboren die coninc boven allen heren, groot armoede heeft hi seer uutvercoren ende ons ghelaten ter leren. 6.[regelnummer] Nu merket die stede sijnre weerdicheit: een cribbe wast daer hi in ruste. och bedden noch plumen waren daer bereit: dus schuwet met hem waellusten! 7.[regelnummer] Een os ende ooc een eselkijn al bider cribben stonden, si verwarmden dat soete kindekijn daert lach in doekerkijn ghewonden. 8.[regelnummer] Drie coninghen groot uut veren lande, si sijn ghecomen ter steden, si brachten minlic haer offerhande: wilstu offeren, doet dine ghebede!
[pagina 38]
9.[regelnummer] Maria sijn moeder ende tkint ghepresen, in liden sijn si beide ghestelt. laet ons mit hem in liden wesen, wi worden verlost van des viants ghewelt. B. 79. - Hs. 1, 3. bosscop.