Horae Belgicae

¶ Nr. 4.

Alle enghelen van hemelrike
ende alle menschen op eertrike
verbliden hem alle tot eenre tijt.

Jesus Cristus van Nasarene,

ghi sijt waer mensche ende god allene,

daer om sidi ghebenedijt.

Alle cleine kinder van tween jaren,
die dede Herodes soeken daer si waren
ende hi dede hem alle nemen dat lijf.

Jesus Cristus cet.

Also vroe als Joseph dat verhoorde,
hi sprac tot onser vrouwen dese woorde:
laet ons gaen vlien-, tis meer dan tijt.

Jesus Cristus cet.

Alse si een halve mile waren ghevaren,
daer saghen si enen man staen saden,
si groeten hem ende leden voor bi.

Jesus Cristus cet.

[p. 23]

5.

Nu hoort, goet man, die dit coornken sadet,

 

ist dat daer iemant nae ons vraghet,

 

so secht, wi voeren hier hen, doe ghi dit sait.

 

Jesus Cristus cet.

 

 

6.

Als Herodes dat verhoorde,

 

hi sprac tot sinen cnechten dese woorde:

 

laet ons gaen soeken dat heilighe wijf.

 

Jesus Cristus cet.

 

 

7.

Als si een halve mile waren ghevaren,

 

daer saghen si enen man staen maden,

 

si groeten hem ende werden verblijt.

 

Jesus Cristus cet.

 

 

8.

Nu secht ons, man, die dit coornken madet,

 

saechdi hier niet een joncfrouwe voor bi varen,

 

si was ghecledet mit witten habijt?

 

Jesus Cristus cet.

 

 

9.

Doe ic dit saide, dat ic nu made,

 

doe sach ic voorbi ene joncfrou varen,

 

si was ghecledet mit witten habijt.

 

Jesus Cristus cet.

 

 

10.

Herodes sprac tot sinen scharen:

 

wel op, laet ons te huus wert varen!

 

tis al om niet, dat wi hier sijn.

 

Jesus Cristus cet.

B. 77. - Hs. 4, 2. saeyen (für die ältere Form saden, die der Reim verlangt) - 5, 1. seyet (sadet) - 5, 3. seyden (sait) - 7, 2. meyen - 8, 1. meyet - 9, 1. seyde - meye - 9, 2. doe voer hier ene joncfrouwe voorby.