|
| |
| |
| |
IX. Rubben.
Hier beghint die sotternie.
Avoy! nu es mi wel becant
ende daer toe ben ics wel vroet,
dat die meneghe met haesten doet
dat hem namaels sere berout.
5[regelnummer]
ic ben hier selve ende hebbe een jonc wijf ghetrout,
dies es omtrent drie maent leden dat icse nam,
ende ghister navont doen ic thuusweert quam,
was si van enen kinde ghenesen.
ende ic hebbe dicwile horen lesen,
10[regelnummer]
dat ment neghen maent plecht te draghen;
nochtan segghen si alle diet saghen
dat hem en ghebrac dach noch ure,
ende es voldraghen een scoon creature
ende alle sijn ledekijn wel ghemaect,
15[regelnummer]
naghelken, teelken, ende al wel gheraect:
es dit binnen drie maenden al gheschiet?
alle die leven en seiden mi niet
dat ic dat kint hebbe ghewonnen.
si moets emmer hebben begonnen
20[regelnummer]
langhe te voren eer icse nam.
die duvel hebs deel dat icker noit an quam!
maer haer moeder en liet mi niet met ghemake,
| |
| |
bi gode! si wist wel van der dochter sake.
wat dan ic dede dat weet ic wel voorwaer.
25[regelnummer]
Wat, Rubben, ende sidi daer?
nu secht mi, hoet met miere dochter steet?
Ewaerheit! vrouwe, ic en weet.
uw dochter es van kinde gheleghen
ende heest bracht enen jonghen deghen
30[regelnummer]
als waer hi een half jaer out.
Dies hebbe god danc menichfout
dat si dat nu heeft leden.
Ic en bens niet wel te vreden
dat si haer so sere heeft ghehaest.
35[regelnummer]
ic sta van herten so beraest
dat ic en weet wat visieren.
Hoe ende in wat manieren?
vertrect mi coenlic uwen staet.
ic sal u gheven selken raet,
40[regelnummer]
ghi seles wel in vreden bliven.
Ewaerheit! al soude men mi ontliven,
ic en mochte niet meer sijn tonvreden.
want dies es op den dach van heden
drie maent dat ic uwer dochter nam
45[regelnummer]
ende ierst in haer gheselscap quam
| |
| |
ende heeft nu een kint ter werelt bracht
als waert out een half jaer:
hem en ghebrect niet also vele als een haer
50[regelnummer]
ochte naghel aen vingher of aen te;
het es ghedraghen min of me
neghen maent al uut ende uut.
ic deert wel segghen overluut
dat ic dat kint noit en wan.
55[regelnummer]
Keren, nu hoort met desen man!
entrouwen, ghi sijt emmer verdoort!
Ic en ben dronken noch versmoort,
ic weet harde wel wat ic segghe.
als ic een op twe legghe,
60[regelnummer]
so eest drie ende vijf nacht.
Lief kint, ghi sijt qualijc bedacht:
dien tijt hebdi qualijc onthouden.
ghi waert wel weert dat ghi waert bescouden,
dat ghi van uwen wive wilt spreken lachter.
65[regelnummer]
drie maent vore ende drie maent achter
ende drie maent in die midden ghestelt,
dits emmer neghen te gader ghetelt,
want dat weet ic wel bi saken.
Condi mi dies vroet maken,
70[regelnummer]
ic wille dat ghi mi Hughe heet,
want ic weet so goeden bescheet
van eenre coe die ic doe vercocht,
| |
| |
daer was mi ghister navont ghelt af brocht
ende doense die man copen soude,
75[regelnummer]
bat hi dat icse hem borghen woude,
drie maent was sijn ondersprec.
wat! waendi dat ic ben een ghec?
ic en onthoude wel den tijt.
Nu horic wel dat ghi dronken sijt,
80[regelnummer]
want driewerven drie dats neghen te gader.
hier es mijn man, onser dochter vader,
ic weet wel dat hijt ooc wel weet.
comt tote hier! ic moet u spreken.
85[regelnummer]
Keren! wat duvel sal u ghebreken?
nu ben ic hier, wat saelt sijn?
Nu secht, goede Gooswijn,
en ghedunct u niet dat onse dochter houde?
Jaet ende dat si enen man troude,
90[regelnummer]
dies es omtrent drie maent leden.
Dat eest op den dach van heden
maer Rubben ons sone es sere ontstelt
dat si van kinde nu es bleven.
95[regelnummer]
al en ware der maenden maer leven,
nochtan mocht dat wel sijn gheschiet.
| |
| |
Wat! Rubben goede sone, ic en sach u niet:
es ons dochter bleven? god hebse in hoeden!
Jaes, maer ic en can niet bevroeden
100[regelnummer]
dat icker vader af soude sijn.
ic deert wel sweren bi der trouwe mijn
dat icse maer drie maent en hebbe gat.
Ende drie maent datse bruut sat,
ende drie maent die ghi niet en telt,
105[regelnummer]
ende als men dit te gader stelt,
so eest neghen tenen hoop:
dats ten rechten jaerloop
dat een vrouwe kint te draghen plecht.
Hets waer, dat si u secht:
110[regelnummer]
hier ane en heest si niet gheloghen.
Heeft mi die duvel dan bedroghen
ende ict so wel weet bi miere coe!
noch sal icker meer segghen toe:
115[regelnummer]
ende ierst werven bi haer slapen quam
ende icse te werke soude stellen,
vrouwe, dit moet ic u vertellen:
si wist also wel als ic dede,
si ghincter toe stellen al haer lede
120[regelnummer]
als hatser seven jaer met omme ghegaen.
daer nam ic al te quaden exempel aen;
al sweech ic, ic was harde gram.
| |
| |
So dede haer moeder doen icse nam
ende wi te gader slapen ghinghen:
125[regelnummer]
si wist also wel van allen dinghen
als haddicse seven maent ghehat.
dat haddic van horen segghen gheleert;
want wie datter hem toe keert
130[regelnummer]
ende al onthout dat hi hoort spreken,
hem en mach nemmermeer const ghebreken:
also wast miere dochter gheschiet.
hoort liefkint ende verslaet u niet!
wildi die waerheit wel verstaen?
135[regelnummer]
die tijt es u bi nachte ontgaen,
die so en hebdi niet ghetelt
als ghi in vrouden hebt ghespelt
met miere dochter uwen jonghen wive,
als ghi laecht bi haren sconen live
140[regelnummer]
vriendelijc ghedect waerme,
elkerlijc in anders aerme:
dien tijt hebdi vergheten.
maer die daghe hebdi ghemeten,
als ghi die sonne verbaren saecht.
145[regelnummer]
en es gheen vrouwe die kint draecht,
en wast also wel bi nachte als bi daghe:
dits emmer waer, dits ghene saghe!
hiermede hebdi den tijt verloren.
wildi die waerheit sweren horen,
150[regelnummer]
so der ic wel sweren op een cruus:
doen mijn dochter quam in uw huus,
dat si niet te meer van man en wist
noch daer op en hadde gheghist,
dan ic en dede doen ic haren vader nam.
| |
| |
155[regelnummer]
Bi gode! nochtan was ic harde gram.
om dat ghi u so wel te werke ghinct stellen,
peinsdic: dese heeft onder goede ghesellen
iewerinc enen hort ontsaen.
maer ghi gaeft mi te verstaen
160[regelnummer]
dat ghijt al van horen segghen wist.
Ewaerheit, here! vrouwenlist,
hebbic horen segghen, es quaet te gronden.
maer haddic uwer dochter vonden
maecht dier ghelijc icse meesterse vant:
165[regelnummer]
wat duvel! het ghinc haer so wel in hant
dat mi niet verwonderen en conste.
Dat quam daer bi dat sijt u wel onste
ende groot vrienscap tuweert droech.
haer herte altoos in vrouden loech:
tierst dat si te segghene plach:
haddic Rubben mijn lief ghesien,
so en mocht mi van desen daghe gheen quaet gheschien:
dat was altoos haren sanc.
175[regelnummer]
het was grote vrienscap diese dwanc,
daer omme en conste si haer niet gheveinsen.
ghine durft nemmermeer peinsen,
mijn dochter en was maecht te voren.
vijf jaer na dat si was gheboren:
180[regelnummer]
dat der ic wel ten heileghen sweren.
Bi gode! so sout mi ewelijc deren,
| |
| |
haddic haer onvrede ghedaen.
maer dat mi die tijt dus es ontgaen,
dats een dinc dies ic mi niet en bevroede,
185[regelnummer]
want mi es emmer also te moede
dats maer drie maent es leden.
Hoort, liefkint, sijt des te vreden!
den tijt willic u te rechte stellen
ende op dese drie vingher tellen:
190[regelnummer]
die ierste drie maent settic hier
ende dander drie maent sat si bi den vier,
ende die derde drie maent dat sijn die nacht:
hier met es die tijt volbracht,
dits neghen maent te gader.
195[regelnummer]
ic swere u bi allen heileghen: kints es vader!
ende peinst anders nemmermere.
Si secht waer, bi onsen here:
daer en can si niet ane ghelieghen.
Laet ic mi dan den duvel bedrieghen!
200[regelnummer]
en hebbic die nachte niet ghetelt,
so hebbic mijn herte om niet ghequelt,
so sijn die scouden al gader mijn;
so soudic ewelijc rouwich sijn,
haddic minen wive verweten.
205[regelnummer]
nu willic gaen ende ghereiden haer teten
ende doen haer weerdicheit ende ere
ende dankens gode onsen lieven here
dat si mi so sconen kint heeft bracht.
| |
| |
So doet ende haest u al uw macht
210[regelnummer]
ende doet ons enen pot met vleesche te viere.
want ic sal daerwert comen schiere
ende besien hoet met haer steet.
Dat sal ic gherne doen, god weet!
ende saelt also lecker maken
215[regelnummer]
dat u so wel sal dunken smaken,
ghi selter al uw vingher na lecken. -
Aldus soude men roden ghecken,
als men hadde alsulken man,
ende hanghen hem ene blau huke an
220[regelnummer]
ende steken hem thooft in enen sac.
Ghi ende uw dochter sijt beide lac:
ghi soudes Rubben vele ontmeten!
ic hebbe ooc wel selc dinc gheweten,
dat ghi mi al te male ontgaeft.
225[regelnummer]
Ic waen, ghi noit niet an mi en saecht
ghine mochtet wel vertrecken met eren.
Ghi wet so vele loser keren:
al sie ic een dinc, ghi gheeft mi anders te verstaen,
als ghi Rubben hebt ghedaen
230[regelnummer]
ende hebt hem neghen voor drie ghetelt
ende hebbet hem also wel ghespelt
dat hi daer jeghen niet en can ghesegghen.
| |
| |
maer ghi condet so wel omlegghen
ende maect den selken mans die mouwe.
235[regelnummer]
het gheeft die selke een wijf sijn trouwe
ende wense hebben voor maecht,
bi gode! tes door haer boschkijn ghejaecht.
so waerdi ooc doen ic u nam,
ende doen ons dochter aen Rubben quam,
240[regelnummer]
si wist ooc wel van melc meten.
Sidi op uwen clapstoel gheseten?
dies moet die duvel hebben deel!
ic soude u vollic voor uw museel
smiten, die tanden souden u uutspringhen.
245[regelnummer]
So seldi tierst voren singhen.
|
|
Auteursrechtelijk beschermd