Horae Belgicae

¶ Nr. 55.
Claus Müller.

Claes molenaer en sijn minnekijn,
si saten te samen al in den wijn,
van minnen wast dat si spraken:
‘Och Heile, wel lieve Heile mijn!
die valsche tonghen die wroeghen mi:
ic sorghe si sullen mi doden.’
Een corte wile en was daer niet lanc,
daer werden boden om Claes molenaer ghesant,
dat hi voor die heren soude comen.
Als Claes molenaer voor die heren quam,
die heren ghinghen in rade staen:
hoe wee was hem te moede!
‘Claes molenaer, een sake die wi u vraghen:
die bonte clederen die ghi draghet,
moochdise wel draghen met eren?’
‘Dese bonte clederen die ic draghe,
die gaf mi een so schonen maghet,
si salder mi wel gheven mere.’
Si gaven hem penninghen in sijn hant:
‘Claes molenaer, ghi moet rumen tlant,
Bruinswijc moet ghi nu laten.’

[p. 136]

8.

‘Adieu Bruinswijc, adieu mijn lant!

 

adieu mijns herten een vergulden pant!

 

ic come daer noch tavont slapen.’

9.

Die valsche tonghen verhoorden dat,

 

si volchden Claes molenaer tot op sinen stap

 

ende brochten hem savonts ghevanghen.

10.

Als hi te Bruinswijc binnen quam,

 

hoe weenden die vrouwen, hoe loeghen de man!

 

hoe wee was hem te moede!

11.

Mer weet ghi wat Claes molenaer sprac,

 

als hi daer voor die heren trat

 

met sinen lachenden monde?

12.

‘Heer schoutert, ghi hebt drie dochterkijn:

 

ghi meint datse alle drie maechden sijn,

 

mer lacen, si en sijn gheen van allen.

13.

Die een dat is mijn minnekijn,

 

die ander draecht van mi een kindekijn,

 

ende bi die derde hebbe ic gheslapen.’

14.

‘Heer schoutert, en treckes u niet an!

 

hi spreect als een verwesen man,

 

hi en weet niet wat hi clappet.’

15.

Mer weet ghi wat Claes molenaer sprac,

 

als hi al op die leder trat

 

met sinen verbonden oghen?

16.

‘In alle Bruininghen en staet niet een huis,

 

daer en gaet een jonghe Claes molenaer uit

 

oft een vrou molenarinne.’

17.

‘Claes molenaer, nu laet uw clappen staen!

 

en dede uw clappen, ghi wares ontgaen,

 

mer nu moet ghi immers hanghen.’

Antw. LB. 1544. Nr. 15. Ein entsprechendes deutsches Lied ist noch nicht bekannt. - Dr. 10, 2. mans.

¶ 2, 2. wroeghen, anklagen - 5, 2. bonte clederen, Pelzkleider, die Tracht der Vornehmen - 7, 2. het lant rumen, wie das mhd. daʒ lant rûmen, das Land räumen, sich daraus entfernen - 9, 2. stap, Tritt, Schritt - 12, 1. schoutert, die schlechte Form für schoutheet, Schultheiß - 14, 2. verwesen, verurtheilt, verdammt - 14, 3. clappen, schwatzen - 17, 3. immers, gewiss.