Gedichten
(1981)–Willem van Hildegaersberch–
Auteursrechtelijk beschermdGa naar margenoot+LXXXIX. Ken ewangelie.Doe God van boven neder quam
Alhier uut sijns vaders schoot,
Ende menschelike forme annam,
Ende smaect daer nae den bitteren doot,
5[regelnummer]
Om ons te verlossen uter noot,
Ende versoende den vader gram
Ant cruce mit sinen bloede root,
Ende maecten sochter dan een lam,
Die verbolghen was soe seer
10[regelnummer]
Opten mensch, als ghi moecht horen,
Dat hi most varen sonder keer
Totter hellen hier te voren,
Eer God selve wert gheboren,
Ende hi mit sijnre heiligher leer
15[regelnummer]
Den vyant dede sulken toern,
Dat hijs mach dencken ymmermeer
Soe sprac hi tonser alre vraem,
Dat wy souden sijn ghebot,
Dat ghebroken had Adaem,
20[regelnummer]
Houden, woudwy naken God.
Al hier om kiestet beste lot,
Ende houtet voert al sonder blaem;
Want hijt u leerde sonder spot,
Dien alle misdaet is onbequaem.
25[regelnummer]
Hoveerde heeft hi meest verwaten,
Want si is alder zonden moeder,
Die wy ter werlt nu niet en haten,
Want si voert schip ende roeder;
Si is worden hoer behoeder
30[regelnummer]
Der gheen die hem ter hoveerde zaten;
Nu crijcht sy suster ende broeder
Onghetelt in allen straten.
Nochtan soe heeft God ghesproken:
Wye hem vernedert hier int leven,
35[regelnummer]
Als onse nature wert ghebroken,
Dat hi mit Gode sal sijn verheven.
So mochtsi ooc wel van rouwen beven,
Als hem die oghen sijn gheloken,
Die mit hoverde in sonden sneven;
40[regelnummer]
Want God en laet niet onghewroken,
Enter hier of nader tijt,
Want sijn woort moet bliven waer.Ga naar margenoot+
Soe wye hoverde ende nijt
Ter werlt minnen sonder vaer,
45[regelnummer]
Ende hem verheffet openbaer,
Men vinten die daer tieghen strijt
Ende volcht hem so mit liste naer,
Dat hi int ende nederglijt,
Die dus hoghe was gheresen
50[regelnummer]
In hem selven mit hoveerde,
Ende ghenedert moste wesen,
Ende ghewandelt in onwaerde.
Want hi hem selven dus bezwaerde,
Soe sel hi lancsaem wel ghenesen.
55[regelnummer]
Wye hem verheffet hier op eerde,
Die sie dat hi hem wacht van desen!
Soe wye hem selven hier verlaghen,
Die sellen noch mit Gode rysen,
Want hi en wilre tot ghenen daghen
60[regelnummer]
Uut sinen hemelrike wisen;
Hi selse mit hem selven spisen
Ende beschermense altoes van plaghen.
Tmene volc dat selse prisen,
Waermen van hem hoirt ghewaghen.
65[regelnummer]
Dit moechdi sien by menighen man,
Die edel is ende wel gheboren,
Ende sine lagheren nochtan
Nighet, als hi hem comt te voren;
Ende hi sel gruete van hem horen,
70[regelnummer]
Die uut reynre herten ran
Mit soeten woerden sonder toern.
Al was hi edel diene wan,
Hi en is te minder niet een oert,
Dat hi hem selven wil oetmoeden,
75[regelnummer]
Want wairmen van hem spreken hoert,
Men seit, hi slacht wel naden vroeden.
Can hi hem te tyde hoeden,
Dat hem hoveerde niet en verdoort,
Soe wert hi dicke vanden goeden
80[regelnummer]
Verheven ende ghetoghen voort,
Oest ende west, ter menigher stede:
Des dar ic wel der waerheit ghyen.
Soe wye dat pleghet zulker zede,
Dat si hem selven voerwaert tyen,
| |
[pagina 189]
| |
85[regelnummer]
Ga naar margenoot+Dien sel selden yet gheschien,
Ghelijc dat den ghenen dede,
Die hem verneerde al in een
Ende wanderde in oetmoedicheden.
Want wye hem niet te tyde en zaet,
90[regelnummer]
Dat hi levet in oetmoet,
Ende verheffet sinen staet,
Als menich sot ter werlt doet,
Die wert ghedaelt, des bin ic vroet,
Ende vanden goeden soe versmaet,
95[regelnummer]
Dat hi blivet onder voet,
Als een ander boven gaet.
Die te tyde hem selven kent,
Dat hi redeliken leeft
Ende mit wil hem daer toe went,
100[regelnummer]
Dat hi hoveerde overgheeft,
Die waen ic dat niet veel en sneeft,
Oeck waer hi wandert ommetrent.
Die dese punten in hem heeft,Ga naar margenoot+
Hi en blijfter nemmer by gheschent.
105[regelnummer]
Nu peynst te tyde om die zake,
Die u Willem hier openbaert
Van Hildegaersberch in waerre sprake,
Dat ghi u selven soe bewaert,
Dat ghi moecht wesen onvervaert,
110[regelnummer]
Als die doot comt mit sijnre wrake,
Die nyemant rijck noch arm en spaert,
Dat u ziel ymmer mit Gode raecke,
Als wy niet langher moghen bliven
Hier in deser armer stat;
115[regelnummer]
Dat God die vyant moet verdriven,
Als die ziele rumet dat vat.
Want hi den mensche is worden hat,
Als ghi wel dick hebt horen scriven,
Soe willen wy Gode bidden dat
120[regelnummer]
Ons sine hulpe moet becliven.
|
|