Gedichten
(1981)–Willem van Hildegaersberch–
Auteursrechtelijk beschermdGa naar margenoot+XXXV. Vander wrake Goeds.Maria moeder, reyne maghet,
Want ghi soc rechte wel behaghet
Der Heiligher Drievondicheit,
Soe weest mijn hulpe, mijn ommecleit,
5[regelnummer]
Te bidden uwen lieven zoen
Voer kerstenheit, voir al die ghoen,
Die sijnre hulpe hebben noot,
Sijn si levende, sijn sy doot!
Wy souden billicx al ghemien
10[regelnummer]
Ter aerden dalen op onsen knyen,
Entaer toe bidden naerstelijckGa naar margenoot+
Anden Vader van hemelrijck,
Die alle mate weet gheweghen,
Dat hi wille onse borden dreghen,
15[regelnummer]
Beyde by nacht ende by daghe,
Voir manslach ende ander plaghe,
Datse van ons worden ghewijst.
Als die werlt in sonden rijst,
Soe is te duchten ende tontsien,
20[regelnummer]
Datter wrake off sal gheschien;
Want tis Goods gherechticheit.
Twas een yammerlijc ghescheit,
| |
[pagina 75]
| |
Ga naar margenoot+Dat Yeve ende Adam mosten scheiden
Om die sonden van hem beyden
25[regelnummer]
Uten paradijs mit rouwen,
Ende si die eerde mosten bouwen
Mit arbeyde ende pinen.
Dander wrake sachmen schinen,
Die van Caym erfde voert.
30[regelnummer]
Om die yammerlijcke moert,
Die hi an sinen broeder dede,
Soe en woude God om nyemants bede
Dat sondighe diet laten ghedyen,
Als ghi dicke hebt horen lyen,
35[regelnummer]
Dat God die ghemene werlt al
Verdrencken liet, ende Noe beval
Een arke te maken tijts ghenoech,
Dair hi sijn leven by ontdroech
Ende sijn gheselscap al te samen,
40[regelnummer]
Die mede in die arke quamen.
Wy moghen proeven wel ghereet,
Dat God die sonden hevet leet
By dese wrake ende menich ander.
Die grote wrake van Alexander,
45[regelnummer]
Die der werlt ommeganck
Plaechde ende mitten zwaerde dwanck,
Hi en was selve niet soe machtich
Noch in weldoen soe voerdachtich,
Dat hijs te vollen hadde verdient,
50[regelnummer]
Dat God hem soude sijn soe vrient;
Mar twas een ghecel by ghehinghe
Van Hem die kennet alle dinghe.
Ander wraken laet ic staen,
Ic wil tot mijnre materi gaen,
55[regelnummer]
Die my eerst op therte lach.
Ic heb ghehoert een swaer gheelach
Ende een yammerlike mare,
Die kerstenheit is veel te zware,
Dat sise ymmer horen moet,
60[regelnummer]
Van soe menighen ridder goet,
Die voirden Turken sijn ghebleven:
God die moet hem allen gheven
Hemelrijc ende blyscap groet
Voir den yammerlyken doot,
65[regelnummer]
Die sy malc an anderen saghen!
Kerstenheit mach zeer wel claghen,
Dat God des heinghenisse gheeft.
Hadwy niet sondelijck gheleeft,
God en liets hem niet gedoghen,
70[regelnummer]
Mer wy sient voer onsen oghen
Hoc die heren hem bereyden:Ga naar margenoot+
Sy willen ghelovich maken heiden,
Mar sy en sijn selve niet voersien.
Dat kersten ghelove stont al op yen,
75[regelnummer]
Off die coninc van Turkyen
Verwonnen waer onde wonde lyen
Te doen dat goede kerstinen pleghen;
Ende hi daer toe waer gheneghen,
Dat hi sijn doopsel wilde ontfaen,
80[regelnummer]
Tot welken paeus soude hi gaen,
Die hem sijn doopsel mochte gheven
Nae gherechte kersten leven?
Wy waren schuldich alle gader
Te hebben enen aertschen vader,
85[regelnummer]
Als Sinte Pieter was gheset
Te regieren al die kersten wet.
Wonden die heren dit voersinnen,
Hoe mochten si lichter eer ghewinnen,
Dan sy te samen overdroeghen
90[regelnummer]
Ende hulpent setten ende voeghen,
Dat nyemant el dan recht en dede,
Gheestelijck ende waerlic mede.
Soe quaem tghelove in enen pas
Weder daert te voren was.
95[regelnummer]
Daer most onrecht schulen in,
Off ghiericheit off groot ghewin,
Dat kersten ghelove soe langhe staet
Ghedeilt ende sonder toeverlaet
Van hulpe off van enighen troost.
100[regelnummer]
Ghevanghen, diemen niet en loost,
Die bliven vergheten int prison:
Kersten ghelove heeft hulp te doen.
Mar die gheue die tsoude weten,
Die hebbent langhe tijt vergheten;
105[regelnummer]
Doch God die sels hem wel vermanen,
Dies niet en verghet, oeck wat si wanen,
Keyser, coninghen, ander heren,
Die hoir eyghen volck beseren
Ende helpen beschatten boven reden,
110[regelnummer]
Ende trecken dan in vremden steden
Om eer te halen buten lande.
Al striden sy op Goeds vyande,
Ist Gode bequaem? dat en weet ic niet,
Die alle dinc te recht aensiet.
115[regelnummer]
Die buten ere willen halen,
Die souden binnen hore palen
Oversien dat daer ghebreet,
Soe datter nyemant op en sprect,
| |
[pagina 76]
| |
Ga naar margenoot+Die reden kent of rechte maet,
120[regelnummer]
Ende setten dan in horen staet
Rechters die ghelycke rechten,
Soe mochten si buten varen vechten
Ende striden op die Sarrasine:
Anders ist verloren piue.
125[regelnummer]
Die selve vyant is te hove,Ga naar margenoot+
Sijn arbeit staet te crancken love,
Al doet hi wel, wye trecten voirt
Te hove, dairmen node hoirt?
Die God te vrient heeft eer hi vaert,
130[regelnummer]
Is voer den vyant wel bewaert.
|
|