De hane va Job. Euëver deere en luuj oet 't land va Mergraote

[p. 107]

Oze voeg hings

e good peerd haat doezend faele* en 'n gooj vrow doezend en ein

Es veuële waor hae neet sjooën in 't haor.
Mager en ein owg waor get klaor.
Winandus zag: dae haet de keeëpere* al op,
Noe de panne nog d'r op.

V'r sjreeven 'm biej Sjef van Laor
In de verzieëkering väör 't gevaor
Dat vr 'm zowe veende versjtop
Of kepot in g'n weij achter 't sjop.

Es veerjäörige waor hae d'r fiengste voes hings
Wie - ste in Holland en op 't Belsj geine vings.
Oze voes haolde väöl Aries in Valkeberg.

Winandus haet jaore mit Albion geleid
Nao 't Kraobuske, nao d'r Bemelerberg,
Langer es menige karessant* mit z'n meid.