Pest-spieghel

4. Handeling.
5 Verschoning.

Wolfs aert. Sondich bedrijf. Verkeerde meyningh.

Mijn swaer verdriet en is niet t'overlegghen

O wee my arm mensch wat sal ick maken // doch?
Most al mijn volck van dees Pest smaken // och?
Fy verkeerde meyninge en sondich bedrijf quaet,
Nu ben ick begort met u vuyl snoode zaet
In desen armen staet // wat sal ick nu beginnen?
Wil ick voor God de Heer mijn sonden al bekinnen
Sy doen my schier ontsinnen // te groot zijnd' int getal
K'en wete niet voorwaer hoe dat ick't maken sal
Doch moet ick wel voor al aen een goet Meester raken.

Sondich bedrijf.

[fol. Cijv]

 

Goede morghen eel Heer, u droefheyt wilt doch staken,

 

Ghy wordt noch hope ick corts de beternis ghewaer

 

Verkeerde meyninghe.

 

Goeden dach goet Heer, en maket niet soo swaer

 

En hebt gheen vaer // wilt u wat vercloecken.

 

Wolfs aert.

 

Mannen wie zijt ghy, dat ghy my comt besoecken?

 

K'en heb u noyt gekent, segt van waer comt gy beyde?

 

Sondich bedrijf.

 

Ghy'n wist het niet al waert dat ick't u seyde

 

Doch mynen naem verbreyde // by alle man,

 

Ick ben een Meester die veel doen can,

 

Menich crancke wan // door my zijn leven

 

Die by veel ander waren doot gheschreven

 

Groote kuren bedreven // heb ick wijt en sijt

 

Dies is mynen name voor nu ter tijt,

 

Sonder eenich verwijt t'vernuftich bedryven.

 

Verkeerde meyninge.

 

En ick can der crancken swackheyt seer styven

 

By Mannen en Wyven // oock in wat staet

 

Ick gever altijdt eenen goeden raet

 

Ja doe elck baet // het lijf ick reyninghe,

 

Daerom heet ick Gheleerde meyninghe

 

Oock heeft u Maget ons aenghenomen.

 

Wolfs aert.

 

O lieve vrienden ghy zijt ons wel ghecomen

 

Gaen wy doch binnen besoecken de banghe

 

Com Domine Doctor wy makent te langhe.