Spieghel der werelt

[fol. 67v]

Cleyn Asien, oft Natolia.

Cleyn Asien wordt nv by den Turcken = wreet

Natolia ghenoemt, dats Oost int ontvouwen:
Soo heetense allen t'landt dat sy met snurcken = heet
Ouer de Constantinopolsche zee houwen:
Noement daeromme al Natolisch wat deucht aengaet;
Ghelyck als wy om te prysen segghen souwen,
T'is Oriental ghesteente, en Hollantsch lynwaet:
T'syn Bossche spellen, oft dierghelycken praet.
Van hier comt alle comelot met veel stucken
Wt Angouri die in Galatien staet,
Ghemaeckt van hair datment wt gheyten moet rucken;
Heel lanck, snee wit, en saechter dan syde int plucken;
Maer cleynder dan d'onse syn dese gheyten = al.
T'volck sprack eerst Griecx, nv Turcx zedert syn verdrucken:
Elck volght syns heeren tale, en feyten = al.

[fol. 68r]

Asia minor. 52.

Natoliae quae oli asia minor noua descriptio