Spieghel der werelt

[fol. 55v]

Hvngheryen.

De Donauw Hungheryen in twee deelen = scheyt;

Van d'een is Buda de hooft-stadt, heerlyck van ghebouw,
Ia lustich als een kist die vol juweelen = leyt,
Daermen den noot, pracht en wellust med' dienen souw:
⁺T'was s'Conincx hoff voor d'innemen der Turcken rouw.
Hier by leyt Stridon, sinte Ieronymus stadt.
T'heeft twee groote lacken, Balaton en Fertouw.
De Tibiscus maeckt d'ander deel vruchtbaer en nat,
Dwelck een riuiere is die van visch heeft sulcken schat,
Datmen t'derdendeel des waters visch wil achten.
D'landt heeft oyt stercke en cloecke mannen ghehadt;
(Scytisch van tale, en Asiatisch van drachten.)
Alle oeft, veruw, gout, ghesteente en metael-gheslachten;
Wilt-braet, al ist vol vees, hier ghemeyn spyse = is:
En den wyn ghelyck den maluesey in crachten.
T'is goet houen, daer den cost en dranck eel van pryse = is.

+ 1541.

[fol. 56r]

Hvngaria. 42.

Hungariae descriptio Wolfgango Lasio descr.