Spieghel der werelt

[fol. 24v]

Franck-landt.

Francke-landt en heeft gheenen vruchtbaren = grondt,

Want t'is heel dorre en sandachtich van natueren:
Nochtans men hier veel wyns t'allen iaren = vondt,
Diemen oock in ander landen siet vueren:
Als t'calissi-houdt dat buyten de mueren
Van Bambergh (een Bisdom) ouervloedich groeyt;
Coolen, rapen, en ajuyn by de ghebueren
Nerghens soo groot en wast, noch soo schoon en bloeyt.
Wirtzbergh, ligghende op de Meyn, die hier dweersch deurvloeyt,
Heeft oock eenen Bisschop, die hem noemt ghesworen
Hertogh' van Franck-landt, dwelck nochtans veel heeren voeyt.
Tusschen Bambergh, en syn Nurenburgh vercoren
Leyt Forchaim, daermen Pilatus meynt gheboren:
Dit heeft den prys van sneeu-wit broot, amandel = soet;
Maer Nurenbergh wintse al den ryckdom te voren.
Gheen land soo slecht, t'en wordt door coop-handel = goet.

[fol. 25r]

Franconia. 24.

Franciae Orientalis (vulgo franckenlant) descriptio auctore Sebast a Rotenban