Spieghel der werelt

[fol. 8v]

Irlant.

Dits oock een berchachtich eylant vol dieren = wilt,

Hoorende onder Englant soo verd' alst is verheert:
Wonderlyck ghefonteynt, en van riuieren = milt,
⁺Onder welck men den Shenyn langhst en wytste eert:
Theeft weyen soo goet datmer by poosen af keert
Het vee, dat anders van vetticheyt mocht steruen.
Melck en honich den inlantschen ryckdom vermeert,
Die in vryheyt leyt, hun weelde in arbeyds deruen.
Gheen fenyn en leefter, beproeft menich weruen:
Bernaca, een vremt voghel, daer wt abeel wast:
En Patricius vagheuier sy beëruen;
Een boerachtich volck ist, heel gheirne sonder gast,
Ghecleedt met een rocxken dat tot de knien past:
Oock alst met byl, lance en pyl, door afgonste = strydt,
Voorts heel naeckt, theeft de musyck lief, diet oeffent vast.
De mensch, hoe woest, altyt eenighe conste = vrydt.

+ Sinenus.

[fol. 9r]

Hibernia. 6.

Irlandia