Memorieboek der stad Ghent van 't jaar 1301 tot 1793. Deel 2

1548.

Mer Adriaen de Croy, grave van Reux.

Mer Loys van Vlaenderen.

Mer Jacques de Croy.

Mer Hugues van Gramme.

Schepenen van der Kuere.	Schepenen van Ghedeele.
Joncheere Charles Utenhove, heere van Markeghem.	Joncheere Jan van den Eechaute.
	Jooris van Crombrugghe.
Adriaen Triest.	Jan van Hembiese, f^s Willems.
Joncheer Jan de Grutere, heere van Vaernewijc.	Jan van Pottelsberghe.
	Gautier Allaert.
Danneel van Pollinchove.	Philips de Grutere, f^s Mer Gyselbrecht.
Jan van Dixmude.
Pieter Cabelliau.	Willem van der Zype.
Geeraert de Stoppeleere, f^s Daneels.	Adriaen van Riebeke.
	Lievin van Testele.
Raphaël van der Sare.	Andries Seys.
Pieter van Beke, f^s Lievins.	Thomaes Heylinck.

[p. 248]

Heyndric Teymont, over hem Jooris van der Saffele.	Anthuenis Bruus.
	Lievin van Huerne, f^s Lievins.
Lievin de Buck.
Jan Meeussins.
Laureyns de Muelenare.

Ontfanghers.

Lievin Cluetrijn, bouckhoudere.

Lievin van Casele, van de wercke.

Guillaume Goetghebuer, van de Yssuwe.

Item, in dit voornoemde jaer ende scependom was te Ghent ghevanghen een die hem seyde te wesene bastaert van Gheldere ende grave van Monfort, ende hilt syne residentie ten huuse van Jan van den Brande, haudende ten selven huuse groote maeltyen ende bancketten met de ghedeputeerde van der stede, als den hoochbailliu, den capitein van den casteele ende andere, rydende uut en in met der huusvrauwe van den voornoemden Jan van den Brande, soo dat elc quade suspytie hadde, ende men waert gheware dat de voornoemde van Montfort wechghereist saude hebben met der voornoemde huusvrauwe, ende saude haren man ghespoelgiert hebben, soo dat se endelic beede ghevanghen wierden, daer se verclaerden t'samen beede by eede dat se in beloften van huuwelicke waren, eer Jan van den Brande de selve syne huusvrauwe trauwede, daer vele roeren mede in de stede was, ende de voornoemde grave ende bastaert, also hy seyde, waert op de Vrydachmaert ghejusticieert up een scavaut met den sweerde, ende sijn lichaem ghehanghen buter Mudepoorte aen eene potentie, met eender ketene onder sijn ocxele, ende in de vierschare daer hy verwesen

[p. 249]

was, daer slouch men t'sijnder presentie synen valschen seghele van bastaerde van Gheldere in sticken.

Item, de huusvrauwe van Jan van den Brande hadde ooc sententie van den valschen eede ende van den overspele, ende was gracelic gheantiert om 't heerlic gheslachte van Jan van den Brande, haren man, ende haer was gheordeneert eene tortse te draghen voor 't Helich Sacrement, ende in ander heerelicke beteringhe pecuniele.

Item, in 't selve jaer quam de keysere uut de duutsche landen in Brabant, ende bracht met hem ghevanghen den hertoghe van Sassen ende den lantgrave van Hessen, [danof de hertoghe van Sassen ghelogiert was ten huuse van Symon van Cuelsbrouck, bailliu van de mannen t'Sente Pieters. (Pr. Ar.^B.)], de welcke lantgrave ghesonden was te Audenaerde in 't casteel, wel bewaert met Spaenjaerden ende andere die die van Audenaerde veel benautheden ende verlastinghen aendeden.

Item, in dit selve jaer quam uut Vranckerijcke Leonora, weduwe van den coninc Franchoeys van Vranckerijke, lest overleden.

Item, in 't selve jaer quam uut Spaengien 's keysers soone Philips, prince van Spaengien, alduer Italien, de welcke quam om ontfanghen te syne in alle de landen van Haerwaerts overe, binnen den levene van synen vadere, ende de keysere ende de prince sijn soene, de koninginne van Vranckerijcke ende de koninginne van Hongheryen bleven alle te Bruusele ligghende tot naer Sincxsenen.

[Item, in 't jaer xlviij was de groote clocke van Sente Nicolaes ghegoten op den Cautere. (K.M.)

- Item, in 't jaer xlviij, in 't schependom van Mer

[p. 250]

Charles Utenhove, heere van Marckegem was de eerste steen gheleyt up den Cauter van het Schuttershof van St. Sebastiaen, den iiij^en dach in Maerte. (K.M.)]