Memorieboek der stad Ghent van 't jaar 1301 tot 1793. Deel 2

1544.

Commissarissen.

De grave van Reux.

De president van Vlaenderen.

Mer Huughe van Grammes.

Jan van Roden.

Schepenen van der Kuere.	Schepenen van Ghedeele.
Mer Gyselbrecht de Grutere, ruddere.	Mer Antonis de Baenst, ruddere.

[p. 237]

Jan van den Eechaute.	Joos van den Bossche.
Willem van der Hoyen.	Jan Heindricx.
Jan van den Kethulle.	Rogier van Sonnemare.
Jacob de Vrient.	Jan van Pottelsberghe.
Jan van der Haghen, f^s Mer Symoens.	Fransoys de Beaufremez.
	Meester Jan de Steercke.
Claeys Damman, d'oude.	Lievin Cluetrijn.
Joos Donaes.	Jan de Backere.
Gillis Diericx.	Adriaen Triest, f^s Adriaens.
Gillis Stalins.	Lauwereins Everdey.
Jan de Buc.	Jooris van der Saffelt.
Willem de Mueleneere.	Jan Dhertoghe.
Arend Heylinck.

Ontfanghers.

Jan de Vos, f^s Adriaens, tresorier.

Simoen vander Haghe, van de weercke.

P^r de Schuuttere, van der Yssuwe.

Item, in dit jaer was te Ghent ghemaect eene steene caeye van de Molanaerstrate lancx den watere naer het Rabotken, bachten den Tenenenpot.

[Item, in dit jaer xliiij, soo was 't dat men aldereerst speelde op de nieuwe weckers up Belfroot de liedekens. (K.M.)]

Item, curts naer Sincxsenen trac de keysere te velde in 't lant van Lutsenborch, ende nam weder veel steden inne, die hem de Franchoeysen in 't jaer voorleden afghenomen hadden, als: Lutsenburch, Longwijs ende meer andere, ende trac selve met sijnder armye tot voor eene stede gheheeten Saint Disier, die hy seer stere beleyde; maer de Franchoeysen hielden hem seer cloeck, ende daer was de prinche van Araengien doot gescooten.

Item, in 't beginsel van Julius trac de grave van Bueren

[p. 238]

uut Sente Omaers te velde met eender scoonder armye, ende maecte eene maniere of hy Terwanen beleyt saude hebben; maer slouch synen leghere voor Monstruel, ende die van Terwanen smeten somtijts in den hoop van den vietaelgiers, die naer den legher reysden.

Item, te desen tyde laghen veel Inghelschen voor Monstruel ende voor Buenen, ende men seyde vuer waer dat de coninc van Inghelant selve over commen was te Cales.

Item, den xvij^en in Ougste gaf haer overe in den handen van den keysere de stede van Sent Disier.

Item, den xxiij^en in Ougste was binnen Ghent gheboden dat men de saudeniers van den Grooten Casteele, ofte andere niet meer bynoemen en saude Tueten, Tueten; ende dat op boete van drye ponden paresyse ende op de corrextie van scepenen.

Item, te desen tyde was upghestelt de nieuwen impost alle dlant van Vlaenderen duere.

Item, den eersten in October was uutgheroepen de paeys tusschen den coninc van Vranckerijcke ende den keysere; maer de Inghelsche bleven oorloghende jeghens de Franchoeysen.

Item, den derden in Decembre quam de keysere binnen Ghent, ende mevrouwe de regente, ende lach binnen Ghent wel een maent, dat hy lettel ofte niet uut den hove en quam van siecten, ende trac weder naer Bruusele, ende eer hy vertrac maecte hy vier poorters van Ghent, die hy ridder slouch 's nuchtinex eer hy wechreisde, ende was: Adriaeu Bets, Gyselbrecht de Grutere, minheere van Exaerde ende Franchocis van Pottelsberghe, heere van Vinderhaute.

Item, in den vastenen wert er ontrent Audenaerde veel

[p. 239]

ghevanghen, die men betyghende was van onghelovichede, daeraf dat de procureur-generael twee dede rechten met den sweerde.

Item, ontrent desen tyde was de keyserlicke majesteit binnen der stede van Andworpen, daer by hem de hertoghe van Orliens quam.

Item, den xvij^en in April was te Ghent ghevanghen Martin Huerebloc, heer Joos Dauwe ende meer andere; ende Martin Huerebloc was eertswaerf ghevanghen by die van Ghent in 't Chausselet, ende van daer ghelevert aen den heeren van den rade, om dieswille dat die van Ghent in 't jaer viertich 't selve ghenomen was.

Item, den viij^en in Meye wert Martin Huerebloc ghejusticieert op de Verreplaetse, met den viere verbernt in claren asschen, ende anseghende dat hy syne dolinghe niet af gaen en wilde; ende den ix^en in Meye was er twee onthooft ende eene vrauwe te Mariekerke ghedolven, van welcker justicie veel lieden beroert ende t'onvreden waren.

Item, te desen tyde gaf men den x^den penninc, daer de bezitter ende de huereirc d'helft betalen ende ghelden moeste, te wetene: d'eene helft te Sinxenen ende d'andere helft ter Kerstmesse.