Memorieboek der stad Ghent van 't jaar 1301 tot 1793. Deel 2

1531.

Commissarissen.

Meester Charles Claissone, raed ordinaire der K.M., enz.., over mynen heere den gouverneur, grave van Gavere.

Mer Jan Annaert, over den grave van der Hoochstrate.

Maximiliaen van Hornes, heere van Gaesbeke.

Jacques de Lombyse, heere van Castre.

's Heeren Kiesers.	Der stede kiesers.
Mer Willem de Wale, ruddere, heere van Axpoele.	Jan de Bytere.
	Rijckaert van Melle.
Lowijs Bette.	Gillis Stalins, deken van de Weverie.
Bertelmeeus van Leyns.
Claeys Damman.	Meester Willem Fransman.
Schepenen van der Kuere.	Schepenen van Ghedeele.
Philips van den Kethulle, heere van der Haverien.	Wouter van Eedtvelde.
	Christoffels van Hove.
Daneel de Voghele.	Jan Sanders, in de Veltstrate.
Pieter Teerlinck.	Loys Alaert.
Gillis de Baenst.	Heynric van Testele.
Anthuenis Zoete.	Gillis van Huffele, op de Vischmaert.
Gillis Diericx.
Willem van Imbyse.	Philips Rijm.
Martin de Vettre.	Willem de Man, over hem Fransoys Everwijn.
Gillis Snellaert, f^s Willems.
Gillis Stalins, op de Coornaert.	Geert Brecht.

[p. 84]

Jan van der Fonteyne.	Jan de Bellemakere.
Jan Cauterman.	Wouter de Croock.
Jan Seyssins, vleeschauwere.	Lievin Prijsbier.
	Joos van den Walle, f^s Mathijs.
Heuverdeken.	Deken van de Weverie.
Jan de Blocq, smet.	Gillis Stalins.

Item, in dit jaer was den muer van Sente Jacops kerckhof afghebrocken ende eene strate ghemaect tusschen den hove van Hersele ende de Kerremelcmaert, ten vervolghe van heer Jan van Deyse, abt van Baudeloo.

Item, in dit jaer, op Sente Jorisavont, zoo hilt heer Joos van den Turre, presbiter zijn sufmaeltijt, ende hadde l jaer presbiter gheweest.

[In dit jaer nam de keyser anne de reyse jeghen de Turcken (Pr. Ar.^B.)

- In dit jaer hilt de keysere de feeste van den toysoene, omtrent Sente Andriesdach, binnen der stede van Doornicke. (Pr. Ar.^B.)

- Jan Roose, casteleyn van der kuere, bat der wet vergheffenisse, den xxv^en Meye, ende drouch eene tortse t' Sente Michiels, ende was ghebannen, omme dat hy een copie ghecasseert hadde zonder betalen. (Pr. Ar.^B.)

- Den xiij^en July dede de prelaet van Sente Pieters vanghen de scepenen van der kuere, omme een beste hooft dat hy hebben wilde up eenen wevere, eenen poorter van Ghendt, ende bydien geen actie. (Pr. Ar.^B.)

- Den ix Ougste was ghepellaryseert Jacob Goorin, omme dieswille dat hy by zijnder dochter een kindt hadde. Ten selven daghe was onthooft Anne van der Gote, die knape was van den Amman van Ghendt, meester Clays, ende die

[p. 85]

en wilde d'executie niet doen. Ten selven daghe was ghehanghen Hansken de Brauwere, ende hiet den Conynck van de dieven. Den ij^en in Maerte was onthooft Pieter de Costere, omme dat hy doot gheworpen hadde Annekin van Baudeloo innocent. (Pr. Ar.^B.)

- Den vj^en in April moeste Moykin de Strijckere, Joos de Dryvere ende Clays Dhondt bidden vergheffenesse ende gaen elc tusschen twee serganten met eender tortse in de handt van 's morghens ten viij^en totten xi^en in de vij^e prochiekeercken, in huerlieder lywaet, ende comme t'Sente Michiels in 't portael van der keercke ende moesten van danen cruupen totten heleghen cruuce, ende laten daer huerlieder tortse, ende elc moeste gheven zes duust coreels, ende dan sitten drie daghen in een put te water ende te broode, omme dat zy quamen up den Goeden Vrindach sitten ten huuze van Roelant d'Ynghele, up de Vrindachmaert, aldaer zy dobbelden ende zeyden dat zy 't deden omme dat Onze Heere doot was, ende met hemlieden waren Philips Ysewijn ende Lievin Steppe, wevere, maer zy vloden. (Pr. Ar.^B.)

- Item, in dit jaer waren aldereerst ghemaect ende ghestelt noch dry wysers op het Belfroeyt; daer te vooren en was er maer eenen wyser op de syde van den schepenhuyse, noortwaerts. (K.M.)

- Item, in dit jaer was verboden dat men geen bruyloften hauden en saude dan van elcker syde vier persoonen ende niet meer, op eene groote boete, ende oock dat men geen gelt geven en saude in 't heffen van de kinderen ter vonten, dan kinderen van arme miserabele persoonen, ende meer andere saken die niet lanck ghehauden en waren. (K.M.)

- Item, in dit jaer, ontrent Half Ougste soo sag men

[p. 86]

in de lucht eene sterre met eenen steerte, ende dalende in 't oosten, wel dry weken lanck. (K.M.)

- Item, in 't selve jaer was 't seer dieren tijt, want de rogghe golt te Ghendt xxxiij ende xxxiiij stuyvers het alstere, ende de tarwe seven schellynghen het aelstere. (K.M.)

- Item, in 't selve jaer, op den xv^en in November, was uytgheleyt een mandement by der keyserlijcke majesteyt, als dat elck syne aermen moeste onderhouden, alomme teeckenen draghende. (K.M.)

- In 't selve jaer, den 16 Sporkele, gaf men den aerme lieden teekenen te draghene up huerlieder mauwe, ende was een maecht van Ghendt gheghooten van lood, ende d'afsetene, die van Ghendt niet waren, moesten binnen derden daghe rumen de stede, up de gheesselynghe. (Pr. Ar.^A.)

- In dit jaer stierf tot Ghendt de grave van Gavere, heer van Fienes, gouverneur van Vlaenderen, ende wiert begraven te Armentiers. (K.M.)

- In dit jaer, den 19 Hoyemaend, overleet Mer Lievin van Pottelberghe, f^s Lievins, ruddere ende raet ende meester van der requesten ordineere, heere van Vinderhaut, Meerendre, Wissenkercke, ten Broucke, enz., ende ontfangher van der K.M. domeynen van synen lande van Vlaenderen; hy fondeerde ende maeckte uten gronde nyeuwe Sente Catelyne-Capelle, gheseyt Alijnsspitael, ende hadde daer inne x provenen, ende de heere van Immerseele vijf provenen, mitghaders een proven die overaudt ghegheven wert, dus t' samen xvi proven. Item, noch daer en boven fondeerde hy in zynen leven tot den Fraters xiij kinderen, gheseyt de rookeerels clerckins, vier jaren lanck leerende ende costhebbende, mitsgaders hebbende huerlieder camere alleene;

[p. 87]

dies moeten zy commen vijf maels's jaers te Sente Michiels, in de keercke, voor den autaer van den Name Jhesus tot de jaerghetyden, aldaer ghefondeert, daer de voorseyden Mer Lievin begraven es, oock daer vooren hebbende elck een witte broet, weert eenen stuvere, ende boven dien noch ghelt, ende heeft noch binnen der zelver keercken beset, veel schoone diensten, als loven ende andere diensten. (Pr. Ar.^A.)]