Memorieboek der stad Ghent van 't jaar 1301 tot 1793. Deel 2

1521.

Commissarissen.

Mer Lievin van Pottelsberghe, ruddere.

De prelaet van Sente Bertins.

Mijn heere van Sente Martins t'Ypre.

Mer Claeys Utenhove, ruddere, heere van Marckeghem, president van Vlaenderen.

[p. 53]

's Heeren kiesers.	Der stede kiesers.
Jan Alaerd, f^s meester Gautiers.	Wulfaert Snibbele.
Lievin de Grutere.	Christoffels van Houte.
Jan Oosterlinc.	Jacob de Vettere.
Pauwels van de Velde.	Jacob van der Haghe.
Schepenen van der Kuere.	Schepenen van Ghedeele.
Mer Claeys Triest, ruddere.	Geerom Borluut.
Jan Claeys.	Denys Vlamync.
Jan Damman, f^s meester Jans.	Claude Goetghebuer.
Fransoys van den Brande, over hem Heynderic van der Camere.	Lievin Aesbijt.
	Dominicus Nevelync.
	Meester Roelandt Zoete, over hem Jacob van der Beke.
Rogier van Sonnemare.
Sanders van Vaernewijc, over hem Jan Pascharis.	Denijs Quevijn.
	Jan de Hane, brauwere.
Fransoys de Mil.	Daneel de Voghele.
Martin de Vettere.	Claeys Bloume.
Jan de Stuvere.	Matheus van der Boven.
Lievin de Voghele.	Jacob Heyndericxs.
Pieter Teerlync.	Lievin van der Hasselt.
Heuverdeken.	Deken van de Weverie.
Pieter Braem.	Jan de Vettere.

Item, in dit jaer, was te Roome Paus ghecooren meester Adriaen van Utrecht, een nederlandere, de meeste geleerde die men wiste in dese Nederlanden.

Item, in dit jaer was Doornijk zeer sterc beleyt van den Vlaminghen daer de grave van Gavere, heere van Fynes, gouverneur ende capitein generael af was; maer de heere van Nassauwen die quam van voor Masieres voor de stede van Doornijcke; dit ziende die van Doornijcke op Sente Andriesavont ghaven huer stede over in den handen van den grave van Vlaenderen omme daer onder te blyvene.

[p. 54]

Item, in dit jaer track de Coninclijcke Majesteyt by den coninc van Inghelant, daer hy triomphelic ontfaen was van den coninc ende coninghinne zijnder moeye, ende aldaer nam de coninc van Inghelant met den coninc Kaerle de orloghe an jeghens den coninc van Vranckerijcke; maer hy dede den keyser cleenen bystant binnen den oorlooghe.

[Ten selven tyde wart grooten brandt te Valenchyne, ende duer de Braempoorte deser stede verberrende een huus up Ste. Bastiaensdach 's nachts; daer inne verberrende de man van den huuse, ghenaemt Mer Jan de Jonghe. (Pr. Ar.^B.)

- Die van Ghent trocken voor Doornicke ende hadden drie capiteynen, te weten: Mer Rijckaert Utenhove, Arendt Sturme, onderbailliu, Lievin Pien, in de Clocke te Putte, ende Joos van der Haghen, ende was upperheere aldaer mijnheere van Nassauwen. (Pr. Ar.^B.)

- Op Alder Heleghenavont trocken uut Ghendt vij^c ghezellen naer Doornicke; Mer Rijckaert Utenhove was capiteyn; zy hadden eene basane met root, wit ende gheluwe metten leeuwe. (Pr. Ar.^B.)

- In dit jaer, in September, vertrock Carel roomsch coninck naer Duytslant; ende in de maent van Mey daer naer keerden sy weder om den voorseyden roomschen coninck van Duytslant met den coninck van Denemarcken, ende quamen tot Ghendt; van daer vertrocken sy naer Brugghe, om teghen te gaen den cardinael van Enghelant, naer dat den oorlog ghedeclareert was teghen den coninck van Enghelant ende van Vranckrijck, ende naer dat de heer van Nassauw ghewonnen hadde veel casteelen rontom Lutsenborch ende Luyck, wesende in 't beleg van Masieres, alwaer de coninck hem liet vinden in persoon den meesten tijt. (K.M.)

[p. 55]

- Item, in dit jaer dede de keyser Karel nieuw ghelt slaen, te weten gauden penninghen van x schellynghen grooten ende van dertich stuyvers ende van twintich stuyvers 't stuck. (K.M.)

- Die van den lande van Waes quamen te Ghendt, up Sente Symoens, in den avont, met schoonen state ende wel ghewapent, ende 's anderdaechs daer naer vergaderen zy up den Cauter ende en wilden uut Ghendt niet gaen, die van Ghendt en sauden mede reysen metten grooten standaerde. Mijnheere de hoochbailliu sprakse so lief toe dat se trocken van den Cautere, ende van daer also ter Spittaelpoorte uutgeleyt, reysende also naer huus, dwelcke eenighe huerlieder lijf coste. (Pr. Ar.^B.)

- Den xxv^en October waren twee mannen ghepellerijnt ende ghesluetelt ende vijftich jaer ghebannen, omme dat zy goet ende ghelt ontfanghen hadden, omme te belastene eenen Jan Lyale, een eerbaer man, de welcke zy te laste leyden dat hy de Waseneers inneghegheven hadde als zylieden te Ghendt waren, naer Doornicke te reysene, dat zy uut Ghendt niet reysen en sauden, zy en hadden met hemlieden den standaert van Ghendt; ende by informatie zoo bleeck dat de zelve Jan vier daghen te vooren en dry daghen naer, naer dat de Waseneers wech waren, in de stede niet en was. (Pr. Ar.^B.)]

Item, in dit jaer, den xij in ougste was Mer Bauwin de Grutere, f^s Mer Philips, commen van den helighen lande, ruddere van Jerusalem, ende was een jonc stere vroom edel man van xxviij jaren.

[Item, in dit jaer stack doodt Antheunis de Baenst, f^s Roelants, eenen Bussaert van Imbiese onverwist in 't schermen, den xij October. (K.M.)