Memorieboek der stad Ghent van 't jaar 1301 tot 1793. Deel 2

1520.

Commissarissen.

Mer Jaques van Luxembourg, heere van Fiennes, stadhaudere, enz.

De prelaet van Sente Bertins.

Mer Claeys Utenhove, ruddere, heere van Marckeghem, president van Vlaenderen.

Jan Wijts, watergrave van Vlaenderen.

's Heeren kiesers.	Der stede kiesers.
Mer Jan van Zaemslacht.	Heynderic van Testele.
Symoen Borluut.	Adriaen de Crooc.
Jan Rafelaert.	Heynderic de Lieve.
Jan van Caneghem.	Jan de Suttere.
Schepenen van der Kuere.	Schepenen van Ghedeele.
Mer Willem de Wale, ruddere, heere van Hansbeke.	Philips van den Kethulle.
	Anthonis Soete.

[p. 51]

Willem Snellaert.	Meester Denijs van der Sare.
Willem van der Muelne.	Joris Sersanders.
Lievin Donaes.	Jan Rijckaert.
Claeys Damman.	Vincent van Bommale.
Roegier de Vettere.	Bussaert de Baenst.
Jan Heyman.	Pauwels van der Asselt.
Pieter van der Schuere.	Laureyns Claeys.
Lievin van Beke, f^s Heynricx.	Jan van den Eede.
Gillis de Brune, ledertauwere.	Gillis Diericx.
Pieter de Cupere.	Jan Brouckaert.
Willem de Groote.	Lievin van der Stichelen.
Gillis de Steercke.
Heuverdeken.	Deken van de Weverie.
Pieter Braem.	Jan Claeys.

Item, in dit jaer, den iij^en in Hoeymaent, quam de coninc van Inghelant in Vlaenderen besien Kaerle, synen neve, binnen der stede van Grevelinghen, daer hy met groter eeren ontfaen was.

Item, den iiij^en in Hoeymaent reysde onsen coninc van den Romeynen Kaerle met den coninc van Inghelant uut Grevelinghen naer Caelis, daer hy eerlic ontfanghen was van der coninghinne van Inghelant zijnder moeye ende ander princhen ende princhessen.

[In dit jaer quam van Spaignen Carolus rooms coninck, ende dede syne intre in de voorseyde stadt van Ghendt; van daer vertrock hy naer Dunckercke ende Grevelinghe, alwaer de coninck van Enghelant hem quam vinden; onse voorseyden coninck vergheseltschapte hem tot Calis, alwaer groote maeltyden ghehauden wierden, ende de coninck van Enghelant brocht onsen coninck wederom tot Grevelinghe, ende wat daer vooren, waren daer by oock gheweest de coninginnen van Vranckrijck ende van Enghelant ontrent

[p. 52]

Calis op het lant van Guinc, daer oock seer ghebanqueteert wiert. (K.M.)]

Item, in dit jaer waren te Ghent de vonnessen met banden te nieuten ghedaen, ende de executien van scepenen vernieut, volghende zeker statuten daer af ghemaect, conforme den prevelegien van den grave Guwy van Dampierre.

[In dit scependom waren afgedaen veele mestdaghen, gelijck: Ste. Baerbele, Ste. Nicasius en de Dyssendach ende Woensdach in de Paestdagen, Synxendach, maer mestdach totter noene, ende tsachternoens ten eenen luudde de clocke, dwelck gedaen was by den bisschop van Doornicke, daer 't volc in beroert was. (Pr. Ar.^B.)

- Den i^en April was vrau Piens ghestelt up 't pellerijn ende gecurt beede ooren ende vijftich jaer gebannen. (Pr. Ar.^B.)

- Den xiiij Jauuary traude de Senechael van Henegauwe de sustere van den heere van Finis, ende men hilt doe een tryumphelick steeckspel up de Vrindachmaert te peerde. (Pr. Ar.^B.)]

Item, in 't zelve jaer [op den xvij Juny. (Pr. Ar.^B.)] quam binnen Ghent de coninc Christiaen van Denemercken, Sweden, Noorweghen, Gotten ende Slavoenen, ende dede de reverentie ende homagie keysere Kaerle, zynen swaghere, in 't hof te Ghent, den xxj in Hoeymaent, op eenen Sondach.