Memorieboek der stad Ghent van 't jaar 1301 tot 1793. Deel 2

1518.

Commissarissen.

Mer Lievin van Pottelsberghe, ruddere, in de stede van Mer Jacob van Luxembourg, heere van Fiennes.

Mer Claeys Utenhove, ruddere, president van Vlaenderen, in de stede van minen heere de Lalaing.

De prelaet van Sente Bertins.

De prelaet van der Dunen.

's Heeren kiesers.	Der stede kiesers.
Mer Jan van Coudenhove, ruddere.	Willem Snellaert.
	Adriaen de Croec.
Heynric van der Camere.	Rogier de Vettere.
Jan Heyman.	Joes de Vechtere.
Jacob van Zeveren.
Schepenen van der Kuere.	Schepenen van Ghedeele.
Mer Jan van Zaemslacht, ruddere.	Lievin de Grutere.
	Heynric de Muenc.
Heynric van Testele.	Lievin Toebast.
Heynric de Lieve.	Sanders van Vaernewijc.
Meester Reynier Saellaert, gheseyt de Donckere.	Jan Sanders, in den Papegay.
	Bertelmeus de Backere.
Jan de Peystere.	Lowijs Bette.
Gillis Stalins, up den Steendam.	Lievin van Huffelghem.
Willem van Ymbyse.	Rykaert van Melle.
Pieter de Vos, caescoopere.	Joos Codde.
Jan de Vettere, f^s Heindricx, tusschen poorten.	Jan de Muenc.
	Wouter de Croec.
Joos Martins, tijcwevere.	Matheeus Brant.
Augustyn Heylinc.
Jan van Caneghem.
Pieter van Huuckelghem.

[p. 46]

Heuverdeken.	Deken van de Weverie.
Amant Claeys, over hem Willem Snellaert.	Jacob de Vettere.

Item, in dit jaer, den xvj in Wedemaent, arriverde don Ferdinande uut Spaengien, commende binnen der stede van Vlissinghen in Seelant, ende quam binnen Ghent up den xix der selver maent, de welcke up den soldere van scepenhuus ghesconcken was een costelic banket.

Item, in dit jaer, den ix in Lauwe, overleet de edele keysere Maximilian, de grootheere van Caerle ende don Ferdinande; daer omme dat binnen Ghent grote druc was, ende op den derden dach van Maerte dede men t' Sente Jans daer overe eene drouve uutfaert.

[In dit jaer, ontrent Lichtmis, stierf de keyser Maximiliaen, eene seer goede ende bermhertighe prins, ende daer naer ontrent Palmsondach, gaf de coninck van Enghelant de stadt van Doornick aen de Franschen met het casteel, het gene hy hadde doen macken; oock de heere van Ligny gaf oock aen den coninck van Vranckrijck, het lant van Mortaigne, met consent van onsen coninck Carel ende van synen raedt. (K.M.)]

Item, de drouve nieumaere secret wesende lettel tijts Heyndric van Testele sont zynen zoone met penninghen te Valenchyne, te Douwaey ende tot meer plaetsen; hy cochte al 't coorne dat hy ghecryghen conste; niemandt daer af wetende wat hy daermede meende, nemaer daer waert inne voorsien jeghens zyne ende zulcke ghiericheit; want daer hadde moghen dieren tijt uut spruuten van zulcken voortstelle.

[Item, in dit jaer, den xxiij Juny, soo waren t' Antwer-

[p. 47]

pen gecommen twee galleyen ende noch wel xxx meerschepen, de welcke groote coopmanschappen brochten. (K.M.)

- Item, in September soo starf die capiteyn van den galleyen, ende wert begraven ter Predicheeren t' Antwerpen met groote solemniteyt. (K.M.)

- Item, in dit jaer, den vi dach in October, soo vertrack uyt Vlaenderen vrouwe Eleonora naer Portugal, omme te trauwen den coninckx sone, maer de coninck trauwde dese selfs. (K.M.)

- Item, in dit jaer ten selven tyde vertrock ons coninck Carel naer Napels ende alsoo naer Roomen. (K.M.)

- Op Onzer Vrauwenavont waren scepenen uutgelesen d'j^e reyse in den nieuwen turre. (Pr. Ar.^B.)

- Den xxix October soo smeet Jooris de Conynck, zeepsiedere, eenen zyner dienaers doot met eender flabbe te gevene, zonder bloet te laten, dwelck hem wel coste lxxx gr. by de heeren van den rade. (Pr. Ar.^B.)

- Den xij^en January overleet Amant Clays, heuverdeken van Ghendt, ende doe quam er anne in zyne plaetse, Willem Snellaert. (Pr. Ar.^B.)]