Item, den xxiiii Ougste, op eenen Vrydach, ghebeurde eene groote ertbevinghe voor den x ueren in den avont, ontrent eenen paternoster ghedurende, daer dierghelyke niet ghebeurde sichtent den paeys van Gavere, ende die was op Sente Bertelmeesavont.
[De eerde wart bevende, dwelc was Godts macht,
In Ougste den dry-en-twintigsten 's nacht. (S.G.)]
Item, in dit jaer maecte hertoghe Philips ende de hertoghe Kaerle van Geldere tusschen hem beeden pays zonder yemant daer over te roupene, ende d'hertoghe van Geldere ontsinc van den grave Philips eene groote somme van penninghen, omme met den grave Philips te treckene naer Spaengien; maer als de grave Philips zaude vertrecken, zoo maecte hem de hertoghe van Geldere sieck, ende bleef t' huus; maer als de grave Philips naer Spaengnen ghereyst was, d'hertoghe van Geldere quam wedere met hertoghe Philips gelde op de landen van Brabant ende Hollant, doende hemlieden groote orlooghe.
Item, in dit jaer hadde 't ambacht van der weverye te Ghent vercreghen secretelic van den grave Philips de Halfvastenmaert af te zyne van der wullen lakene, met vele redenen naer 't uutwysen van collatien, op den xxv Sporkele by scepenen ghewijst, allerande lakene te vercoopene drye daghen: Woensdach, Donderdach ende Vrydach.
Item, in dit jaer overleet de coninghinne van Spaengnien, vrauwe Joanne moedere, waer af dat op vrauwe Joanne verstaerf 't coninckrijcke van Castylien, van Leon, van Garnaten, ende van daer voort dede hertoghe Philips ghereescip maken, ende heet hem van doe voort coninc Philips, ende dede alle manieren van goude ende selvere ende van
Auteursrechtvrij