Memorieboek der stad Ghent van 't jaar 1301 tot 1793. Deel 2

1503.

Commissarissen.

De Grave van Nassau, stadhouder generael ons harden gheduchts heeren, wesende in zyne voyaige van Spaengnen.

Mijn heere van Fines, over minen heeren van Ville.

Roeland Le Fevre, heere van Kemseke.

Meester Jan Boele, over minen heere van Remi.

Mijn heere de hoogbailliu.

[p. 5]

's Heeren kiesers.	Der stede kiesers.
Lievin van Pottelsberghe.	Jan van Wijchuuse.
Willem Sloeve.	Fransoeys de Brune.
Jan van Melle.	Jan de Troyere.
Jan de Crane, d'oude.	Lievin van Loo.
Schepenen van der Kuere.	Schepenen van Ghedeele.
Joos Triest.	Gheert van der Oyen.
Jan de Brune.	Philips Symoens.
Jan van der Venne.	Pieter van Hauwert.
Joos van den Berghe.	Philips Buridaen.
Jan Sanders, f^s Pieters, over hem Jacob van der Beke.	Jacob van den Velde.
	Lievin de Vos.
Lievin van Loo, f^s Karels.	Loys Bollin.
Jan van Pottelsberghe.	Wulfaert Snibbele.
Meester Roeland Zoete.	Jan van Carrebrouc.
Lievin Wanzele.	Adriaen van der Stoct, over hem Joos van Loo.
Lievin van Huffelghem.
Olivier de Cleerc.	Arend Sanders.
Jan de Brouwere.	Jan Heylinc.
Jan de Rouc.	Gillis Stalins.
Heuverdeken.	Deken van de Weverie.
Jan de Troyere.	Jan van Wijchuus.

Item, in dit jaer ('s daechs voor Ste. Martins. Pr. Ar.^B.) quam de grave Philips uut Spaengien, ende hy quam duer Vranckerijcke, ende also naer Cuelen lancx den Rijn nedere, daer hem die van Ghent ontfinghen met eenen heerlicken state; want de stede zont daerwaert beede de voorscepenen, den hoochbailliu van Ghent, den prelaet van Ste. Pieters, den prelaet van Ste. Baefs; zoo dat zy vergaderden wel lxxx

[p. 6]

peerden te zamen, ende bedreven alomme groote genouchte daer zy passeerden.

Item, vrauwe Joanna quam binnen eenen halven jare daerna ghevolcht te watere, ende coninc Philips lach doen te Brugghe, ende vrauwe Joanne quam gearrivert te Blankenberghe.

Item, de hertoghe Philips hadde in 't ascommen in Vranckerijcke eene groote siecte; eenighe seyden dat hem wat ghegheven was, zo datter de coninc van Vranckerijcke inne beschaemt was; maer men seyde dat hertoghe Philips groote woorden hadde jeghens den hertoghe van Loreynen, in 't hof van den coninc, ter causen van der doot van hertoghe Kaerle, zynen grootheere, zoo dat hertoghe Philips van daer vertrac ende quam naer Coolen als vooren, daer hy heerlic ontfanghen was van alle zyne landen, zonderlinghe van die van Ghent.

[In dit jaer overleet dezer werelt Elysabet conynghinne van Spaengnen, moeder van Joanna, ghezellenede van den hertoghe Philips, daer af een costelick uitvaert ghedaen was t' Sente Jans in de kercke. (Pr. Ar.^B.)

- Item, in dit jaer, op den lesten dach van july 1503, verbrande de stede van Haerderwijck gheheel ende al binnen den tijt van dry uren, dat er boven de vijf a ses huysen niet bleven staende, ende daer verbrande ende versmoorde meer dan xv^c menschen onder jonck ende oudt, ende met dat er in de stede was. (K.M.)

- Item, in 't selve jaer verbranden te Gorcom twee hondert huysen. - Item, in 't selve jaer verbranden te Belle in Vlaenderen vijf hondert huysen. (K.M.)]