Memorieboek der stad Ghent van 't jaar 1301 tot 1793. Deel 1

1490.

's Heeren kiesers.	Der stede kiesers.
Ayselet van Ghistele.	Pieter van Onderberghe.
Symoen Clockman.	Cornelis van der Schoet.
Claeys van Bomale.	Lievin de Voghele.
Jan van den Moere.	Rogier de Tolleneere.
Schepenen van der Kuere.	Schepenen van Ghedeele.
Willem van der Cameren.	Meester Gheerolf van der Haghe.
Jacob de Cooman.	Fransoys van Loo.
Willem Pype, over hem Willem Doens.	Joos van der Eecken.
	Willem van der Zype.
Philips van der Zickele.	Jan Damman.
Olivier Vaenkin.	Joos Steel.
Vincent van den Wijngaerde.	Joos Bette.
Jan van der Scaghe.^1	Pauwels Willems.
Daneel de Cleerc.	Jacob van der Beken.
Jan Dullaert, temmerman.	Jacob Crabbe.
Joos de Bake, f^s Jacobs.	Lievin de Scoteleere.
Jan Heys, in de Brake.^2	Lievin van Praet.
Boudijn Goethals, up de Mude.	Christoffels de Meyere.
Boudijn de Groote.
Heuverdeken.	Deken van de Weverie.
Jan van Coppenhole.	Hubert Lueribrouck.

1 Jan van der Scave. S.B.

2 Ontbreekt in het Schepenenboek.

[p. 356]

Item, in dit jaer was te Ghent onthooft Griffon van Rechem, bastaert, f^s Wauters van Audenaerde.

[In dit jaer wart Griffon van Rechem, hoochbailliu van Thielt, onthooft te Muden ende 't lichaem ghestelt up een radt. (Pr. Ar.^B.)]

Item, in dit jaer, den xj Julio, quam Mer Adriaen, heere van Resseghem in 't Scepenhuus up den Colatiesoldere by den ghemeenen dekenen, ontrent den x ueren voor de noene, sittende nevens den secretaris van Minheere van Nassauwen, opdoende vele zaken den heere Philips van Ravestein anghaende, wies men hem ghepresentert hadde in vele zaken ende hy den paeys begheerde, also de secretaris te kennen ghegheven hadde, ende verclaerde dat alzoo was; endelic vraechde de secretaris tot Minheere van Resseghem oft niet zoo en was, zulcx als hy te kennen ende gheopent hadde; daer uppe dat Minheere van Resseghem zeyde overluut dat zoo was als de secretaris verclaert ende gheseyt hadde.

Item, terstont de bastaert gheringhe uuter name van Ravestein met eenen brieve vertoghende woorde te woorde de contrarie andwoorde van dat de secretaris gheprononchiert hadde, ende up den zelven dach zaterdach Minheere van Resseghem, rydende 's avonts naer Audenhoove up zijn casteel hem vierdere tot zynen wyve, commende te Merelbeke leden den Muelene, waert hy achterhaelt van 's heeren van Ravesteins ghesellen, te wetene: Repelbos, Taelge, Debaut, Vety, Debaut, Dongis, Jooskin, Coppin, Clincke, die waren uuter name van Minheere van Ravestein, ende sloughen hem doot uut laste van Ravestein, oft zy en mochte nemmermeer in zyne ooghen commen, ende gaven hem xvij dodelicke wonden, ende was weder te Ghent inne brocht ten

[p. 357]

huuse van sijnder vrauwe moedere met viij tortsen met swarten fluweele ghedect, ende de ghesellen trocken 's avonts by mynen heere van Ravestein ter Sluus. Requiescat in pace.

[In dit jaer was doot gesmeten Lievin Gooris, heuverdeken, ende Willem Pype; Jacob de Brieme, conynck van der Moerkinderen, wiert onthooft ende Yngel de Cleercq (S.G.), ende wart ter cause van der incompste van den Sluuseneers ghebannen, ende Jan van Coppenhole wert heuverdeken, ende Remeeus Hubert, curdewanier, wort capiteyn. (Pr. Ar.^B.)

- In dit jaer, up Sente Mathijsdach, trocken die van Ghendt met die van Brugghe t' Aelst ter dachvaert. (Pr. Ar.^B.)

- Up Sente Pieters-avont en track Ste. Lievin maer tot up 't Sant, uut cause dat ontrent Hautem waren veel persoonen van wapenen, die in meenynghen waren den sant te nemene ende alle 't volck doot te slane. - Up Sente Pietersdach bleef de sandt staende up de maert ende daer rees eene wapenynghe, ende 't volck quam metten bannieren ende zy versochten justicie ghedaen t' hebbene, ende daer wordender onthooft; ende doe scheeden zy van der maert. (Pr. Ar.^B.)

- Item, in dit jaer, den xviij in Sporkele, quamen wel xvj ofte xx schepen binnenlanders, van Nieupoort ende van Ostende, gheladen met coorne, wijn ende fruyt, om te commen naer Brugghe, maer die van Ghendt ende die van Sluys vinghen alle de schippers, ende namen uyt den voorseyden schepen al dat hemlieden gheliefde, ende werden de voorseyde schippers ter Sluys ghevanghen. (K.M.)