Memorieboek der stad Ghent van 't jaar 1301 tot 1793. Deel 1

1488.

's Heeren kiesers.	Der stede kiesers.
Meester Willem Zoete.	Symoen de Caluwe.
Joos van den Berghe.	Amand Claeys.

[p. 351]

Jan van Nokere.	Lievin de Moor, deken van de Weverie.
Jacob de Meyere.
	Lievin Dhamere.
Schepenen van der Kuere.	Schepenen van Ghedeele.
Symoen Borluut, over Jan van de Kethulle.	Jan de Crane, d'oude.
	Willem de Vleeschauwere.
Martin Linesone.	Jacob Goetghebuer, up de Mude.
Lievin Goeris.	Joos van Zaemslacht.
Joncheer Adriaen van Scoonhove.	Victor Deynoot.
	Pieter Mattheeus.
Jan Brouckaert.	Jan Utenhove, f^s Ghyselbrechts.
Geeraerd de Pic.	Willem Pype.
Jacob Rufelaert.	Willem van der Zwalmen.
Mathijs Beyaert.	Pieter Bogaert, scipman.
Lievin Heyse, tenepotghietere.	Heindric de Vettere.
Laureyns de Groote.	Jan van Rome, f^s Gillis.
Lievin Braem, brauwere.	Jan Raloos.
Claeys van Kerrebrouc, over hem Heynric de Muenc.
Jan de Peystere, olieslaghere, over hem Jan van Hoorenbeke.
Heuverdeken.	Deken van de Weverie.
Lievin Gooris.	Lievin de Moor.

Item, in dit jaer quam de keyser Frederic ligghen voor Ghent, te Everghem, up 't casteel, met menichte van volcke van wapenen, belegherende de stede van Ghent.

Item, in dit jaer waren te Ghent drye hueverdekenen binnen den jare.

Item, in dit jaer was den eersten steen gheleit van den nieuwen wercke 't Rabot an de veste t' Sinte Baefs, welc werck ghenaempt was Tserders turre, ende de voornoemde veste was ghedolven van der Spittaelpoorte tot der Mudepoorte.

[Den 14 Juny wiert gheleyt den eersten steen van het

[p. 352]

Rabot en de toren in den Ham, die, ghenaemt wiert den Cloutorre, ende wierden ghemaeckt de grachten van de stadt van de Hospitaelpoorte tot de Muydepoorte. (K.M.)]

Item, in 't voornoemde jaer, den xxi Sporkele, quamen te Ghent in stede de Franchoeisen met costelicken gheselscepe wel met twee hondert vijftig peerden.

Item, 's maendaechs naer Groot Vastenavont quamen de Franchoeysen voor Hulst in 't ghaernesoen van Ghent, dat voor Hulst lach.

Item, 's disendaechs ende 's woensdaechs daer naer zoo verberrende die van Hulst de schuere te Stoppeldicke, de welcke was de scoonste die men noeit ghesien en hadde, zoo groot ende zoo wijt ghedect met scaelgien, omme datter de Franchoeysen niet in schulen en sauden oft logieren.

Item, den xxvi ende xxvij in Sporkele quamen te Ghent noch vele Franchoeisen, ende zy en wilden voor Hulst niet blyven, omme 't quaet regement dat zy daer zaghen; want zy waren van die van Hulst upghesmeten zeer deerlic.

[In dit jaer wart uppercapiteyn ghecoren van de stede van Ghendt Mer Adriaen Vilain, heere van Resseghem. Den v^en Juny up den Sacramentsdach so slouch de roomsche keysere voor de stede van Everghem ende lach er xl daghen, ende bachten Walle lach 't al plat; maer het quam ten besten, binnen drye daghe sach men schoone erdene vesten.(Pr. Ar.^B.)]

Item in 't jaer xiiij^clxxxviij mede,

In Wedemaent den v, Sacramentsdach claer,

Soo slouch de roomschen coninck voor Ghendt de stede

In Everghem, en lach er veertich daghen naer;

Den roomsch en lach er oock voor de stede daer.

Bachten Walle lach 't plat en daer viel ten besten,

Binnen dry daghen sach men schoon eerde vesten. (K.M.)