Memorieboek der stad Ghent van 't jaar 1301 tot 1793. Deel 1

1487.

Kiesers.

Achelet van Ghistele, d'oude.

Symoen Clocman, f^s Symoens.

Claeys van Bombale.

Jan van den Moere, in den Cop.

Pieter van Onderberghe.

Cornelis van der Stoet.

Lievin de Voghele.

Rogier de Tollenare.

[p. 346]

Schepenen van der Kuere.	Schepenen van Ghedeele.
Mer Adriaen van Ravescoot, ruddere.	Philips van der Zickelen.
	Fransoeys van Loo.
Inghelram Steel.	Joos van der Eecken.
Joos van Melle, f^s Jans.	Jacob de Grutere.
Willem van der Cameren.	Daneel Claus.
Boudijn van der Donct.	Gillis de Bels.
Jan Dullaert, goudsmet, f^s Pauwels.	Pieter Adorne.
	Fransoys van den Velde.
Lodewijc van Maerke.	Daneel van den Hane.
Daneel Utendale.	Jeronimus Mannins.
Willem van Ste. Jacobshuus.	Jan van der Heyden, f^s Rykaerts.
Lievin Braem, f^s Jans.	Lievin Diericx, brauwere.
Zegher de Vriese.	Jacob van Yeghem.
Jooris Sloe.
Jacob Cauweric.
Heuverdeken.	Deken van de Weverie.
Pieter Ghyselins.	Lievin de Moor.

[Item, dese scepenen waren uytgheroepen op Sente Maria Magdalenendach ter begeerte van Maximiliaen, ende moesten besweeren den peys van Gavere, ende al 't geene dat vrouwe Marie de stede ghegheven hadde was wederroepen. (K.M.)]

Item, in dit jaer ende scependom wonnen die van Ghent de stede van Curterijcke, ende waren daer tot den xvij in Lauwe, ende binnen dien waren die van Ghent voor de stede van Hulst, maer quamen wederomme zonder iet te doene.

[Item, in 't selve jaer, den ix in Lauwe, wonnen die van Ghendt Curterijcke ende het casteel, ende op 't casteel bleef doodt de heere van Huele, ende ter wylent dat die van Ghendt te Curterijcke waren, soo trocken noch andere ghesellen voor Hulst, maer en consten op die stede niet ghedoen te dier reyse. (K.M.)]

[p. 347]

Item, den xxx December was ghestelt tusschen beede de Scepenhusen een schavaut ende een ghalghe, ende up Sente Verhildendach waren daer drye an ghehanghen van die onse vrienden mesdaen hadden.

Item, in dit jaer, den xxv in Meye, quamen xiiij ballinghen in Ghent ende meer andere, ende sloughen in Scepenhuus van der Kuere doot Jan van Vaernewijc, heere van Bost, dwelck hemlieden naermaels qualic verghinc.

[In dit jaer quamen te Ghendt inne t' Ste. Baefs xiiij ballinghen ende maecten maniere van beroerte, commende met ghespannen boghe ende andere gheweere, ende sloughen doot in 't Scepenhuus Jan van Vaernewijck, heere van der Bost, zegghende: ‘Licht daer, ghy paysmakere!’ Ende trocken so de Hoochpoorte af, ende sloughen Denijs van der Saren, cnape van de neerynghe, met allen zeere, ende dan trocken si ooc t' Ste. Nyclaus in de kercke, daer een priester zyne eerste messe sanck, dwelck hy laten moeste, omme het perycle; hier af waren der acht ghevanghen ende onthooft. (Pr. Ar.^B.)]

Item, het waren: Jacob de Muelenere, Pieter de Roovere, Jan van der Venne, Joos van der Burcht, Lievin van de Walle, Claeis van Resseghem, Jacob van Hecke, Jacob de Wachtere, Mateeus de Backere, Jan Utermeere, die men heet Jonghe, Jan van der Schuere, Jan Scelpe, Gheert van der Hoeye, Joos de Wert, ende riepen: ‘Doe licht daer, ghy paeysmakere!’ Ende was voorscepenen in 't jaer voorscreven lxxxiiij, als de paeys ghemaect was, ende zy lieden waren uut den paeyse ghesloten.

[In dit scependom quam binnen dese stede Mer Adrian Vilain, ruddere, heere van Resseghem, ende met hem Mer

[p. 348]

Joncker van Liekercke, ende impetreerden hemlieden als poorters binnen dezer stede te recht te stane jeghens elcken, die hemlieden ter cause van de oorloghe yet anzegghen wilden. (Pr. Ar.^B.)]

Item, in dit jaer, den vierden Novembris, waren de scepenen verlaten ende nieuwe ghestelt die hier naer volghen.